Alwaid
From Wikipedia, the free encyclopedia
Remove ads
Coordenaes: 
17h 30m 25.962s, 52° 18′ 4.999″
Alwaid, tamién llamada Rastaban o Asuia, ye'l nome de la estrella β Draconis (β Dra / 23 Draconis),[9] la tercera más brillosa de la constelación de Draco, dempués d'Etamin (γ Draconis) y η Draconis.
Remove ads
Nome
El nome Alwaid provién del árabe Al ʽAwāïd, «les madres camellu», figura celestial qu'incluyía a Etamin (γ Draconis), Arrakis (μ Draconis), Kuma (ν Draconis) y Grumium (ξ Draconis). Sicasí, otros autores rellacionen l'orixe del nome cola pallabra Al ʽAwwād, «el músicu del llaúd».[10]
L'otru nome d'esta estrella, Rastaban, tamién procede del árabe Al Rās al Thuʽbān y significa «la cabeza de la culiebra». Pela so parte, el términu Asuia, corriente na Edá Media, provién de Al Shujāʽ.
Remove ads
Carauterístiques físiques
Alwaid, asitiada a 362 años lluz del Sistema Solar, ye una superxigante —o xigante lluminosa— mariella de tipu espectral G2Iab con una temperatura superficial de 5100 K. Ye 950 vegaes más lluminosa que'l Sol y tien un radiu 40 vegaes más grande que'l radiu solar. La so masa ye 5 vegaes mayor que la masa solar. Anque por temperatura y lluminosidá tendría de ser una variable cefeida, la realidá ye que Alwaid nun presenta nengún tipu de variabilidá, ensin qu'esista una esplicación clara pa ello;[11] otres estrelles con igual comportamientu son Sadalmelik (α Aquarii) y β Camelopardalis.
Alwaid tien una compañera más fría, una nana naranxa o colorada, a una distancia de siquier 450 UA, que tarda más de 4000 años en completar una órbita. Dende un hipotéticu planeta en redol a esta acompañante, Alwaid apaecería 3000 vegaes más brillosa que la lluna llena.[11]
Remove ads
Referencies
Wikiwand - on
Seamless Wikipedia browsing. On steroids.
Remove ads