Ana Obregón
actriz española From Wikipedia, the free encyclopedia
Remove ads
Ana Victoria García Obregón (according to some sources (en) 
18 de marzu de 1955, Madrid)[4], más conocida como Ana Obregón, ye una actriz, presentadora, cantante, baillarina, coreógrafa, guionista, llicenciada en bioloxía y escritora española conocida nel ámbitu de la televisión, tanto en series de ficción como en programes y concursos televisivos. Dende va décades apaez con frecuencia na prensa rosa española.[5][6][7][8][9]
Remove ads
Primeros años
Nacida en Madrid nel añu 1955; fía d'Antonio García Fernández (18 de febreru de 1926) y Ana María Obregón Navarro, de pequeña estudió balé clásicu y pianu. Años más tarde llicencióse en Bioloxía pola Universidá Complutense de Madrid.
Debutó nel cine en 1979 y caltuvo una incipiente trayeutoria filmográfica con delles películes de mediana resonancia a nivel nacional, polo xeneral de destape o aición rodaes na so mayor parte n'España y dalgunes n'otros países como Francia, Estaos Xuníos ya Italia.
Ente elles destaquen Tres mujeres de hoy (con Norma Duval) y Boleru (1984), con Bo Derek, Andrea Occhipinti, George Kennedy y Mirta Miller. Esta comedia erótica dirixida por John Derek foi estrenada en más de 1000 sales n'Estaos Xuníos, algamando'l nᵘ de la taquilla.[10]
N'actuando en diverses películes decidió siguir la so carrera artística n'Estaos Xuníos, onde realizó una intervención nun doble capítulu de la serie d'Estaos Xuníos The A-Team, en 1985. Tornó a España y participó na comedia La vida alegre (1987) de Fernando Colomo. Años dempués intervendría en La mirada del otru de Vicente Aranda.
A mediaos de la década de 1980 empezó a espaciar la so actividá cinematográfica pa intensificar les sos apaiciones en televisión, participando nel programa Como Pedro per so casa (1985), del cómicu Pedro Ruiz, onde participó nuna parodia de los informativos na qu'amás collaboró José Luis Coll. Tamién exerció como guionista, empresaria y dedicóse a la xestión de la empresa constructora que tien la so familia.
Remove ads
Ésitos televisivos
N'España exerció como presentadora de televisión en concursos como ¿Qué apostamos? xunto a Ramón García, llevándo-yos nos años 90 a copresentar despidíes d'añu en televisión y grabar un álbum musical. Más tarde sacó otru CD a la venta cola película Freddy, el croupier.
En 1994 retresmitió les campanaes de fin d'añu pa TVE xunto a Joaquín Prat, y xunto a Ramón García en 1995 y 2004.
En marzu de 2002 estrenó en TVE la serie Ana y los 7, onde yera la guionista y la protagonista de la mesma interpretando'l papel d'una stripper.
El 20 de setiembre de 2006 estrena en Antena 3 la serie Ellas y el sexo débil, versión española de la serie Sex and the City. Ésti foi'l so últimu papel protagonista nuna ficción hasta la fecha, anque l'actriz hai intentando tornar con dellos proyeutos ellaboraos por ella.
Nel últimu trimestre de 2008 participa como concursante nel programa ¡Mira quién baila! de TVE. Nos años siguientes apaez delles vegaes como convidada en programes como Sálvame Deluxe, Más allá de la vida, Hay una cosa que te quiero decir, Entrevista a la Carta o Mi casa es la tuya.
En 2012 presentó en TVE Reyes y estrelles. Nos últimos años participó como convidada en numberosos programes de televisión tantu n'España como n'Estaos Xuníos, onde exerció como reportera na Miami Fashion Week entrevistando a numberoses celebridaes.
En 2015 empieza una carrera nel teatru gracies a la comedia Afuegos Plus, onde comparte escenariu con Teté Delgado, Fabiola Toledo y Elisa Matilla. Apocayá, interpreta'l papel de Reina Lloba nel filme Santiago Apóstol.
En 2016 - 2017 estrénase'l programa Daqué pasa con Ana en DKiss, onde ye la presentadora y la protagonista del programa.[11]
Remove ads
Filmografía
Películes
Series de televisión
Programes de televisión
Teatru
Remove ads
Notes y referencies
Enllaces esternos
Wikiwand - on
Seamless Wikipedia browsing. On steroids.
Remove ads