Anser (estrella)
From Wikipedia, the free encyclopedia
Remove ads
Coordenaes: 
19h 28m 42.33s, 24° 39′ 53.661″
Anser ye'l nome de la estrella α Vulpeculae (α Vul / 6 Vulpeculae / HD 183439),[9] la más brillosa de la constelación de Vulpecula —la rapiega— con magnitú aparente +4,44. El so nome, proveniente del nome tradicional de la constelación en llatín Vulpecula cum Ansere, fai referencia al gansu (Anser) que d'antiguo figuraba na constelación xunto a la rapiega. Llucida Anseris ye otru nome utilizáu pa designar a esta estrella.[10]
Anser ye una xigante colorada de tipu espectral M0III[9] con una temperatura superficial de 3850 K. D'un tamañu 53 vegaes mayor que'l radiu solar —valor llográu a partir de la midida del so diámetru angular—, la so lluminosidá ye equivalente a 390 soles. Un altu conteníu de nitróxenu —casi'l doble que nel Sol— suxer que los subproductos procedentes de la fusión termonuclear d'una capa d'hidróxenu alredor d'un nucleu inerte, tán algamando la superficie. Otra manera, la bayura de metales más pesaos ye baxa, siendo'l so conteníu de fierro equivalente a 2/3 del que tien el Sol.[11]
Anser forma una estrella doble óptica con 8 Vulpeculae, una xigante naranxa de tipu espectral K0III y magnitú +5,82. Anque visualmente dambes tán dixebraes namái 7 minutos d'arcu, 8 Vupeculae tópase un 60% más alloñada que Anser. Esta postrera alcuéntrase a 297 años lluz de nós.[11]
Remove ads
Referencies
Wikiwand - on
Seamless Wikipedia browsing. On steroids.
Remove ads