Aquila fasciata
especie de páxaru From Wikipedia, the free encyclopedia
Remove ads
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
L'águila bragada[1] (Aquila fasciata) ye una especie d'ave accipitriforme[2] de la familia Accipitridae qu'habita dende la cuenca mediterránea hasta'l Sureste asiáticu.
Remove ads
Carauterístiques
Ye una ave rapaz diurna d'unos 70 cm de llargor, con un pesu d'ente 1,6 y 2,2 kg . D'aspeutu grande y fuerte, los adultos presenten envés marrón claru y partes inferiores más clares, blancu-amarellentaes con trazos escuros.
Historia natural
Caza coneyos, palombos, perdices y llagartos. Cría en parés predreses, escasamente n'árboles.
Ye sedentaria, con dispersión xuvenil. Amenaciada, ta en grave retrocesu. Tendíos llétricos, furtivismu y molesties nes zones de cría son los sos mayores peligros.
Estáu de caltenimientu
Mientres les poblaciones asiátiques son desconocíes, les mediterránees tienen los sos mayores efeutivos na Península Ibérica y el Magreb. Nos años 1980 censóse una población n'Europa d'ente 815 y 891 pareyes.[ensin referencies] Con datos de diversos censos europeos de distintos años, la Sociedá Española d'Ornitoloxía (SEO) envaloró ente 733 y 768 pareyes en 2005.[3] En 2000 BirdLife International envaloró la población europea ente 860 y 1100 pareyes.[4]
Na península Ibérica
L'águila bragada sumió práuticamente del llau norte, con poblaciones marxinales asitiaes na so llende de distribución como les de Castiella y Lleón y Arribes del Duero, estazándose coles mesmes na zona centro y Castiella-La Mancha. Les poblaciones del sureste, Comunidá Valenciana y catalanes, unes de les más trupes de la península sofrieron nel pasáu (años 80) descensos bien sópitos (ente'l 25-50%). Les úniques poblaciones aparentemente estables asítiase en delles zones d'Andalucía, Comunidá Valenciana y Estremadura. L'águila bragada con una población pequeña (d'ente 733 y 768 pareyes en 2003)[3] alcuéntrase En Peligru d'estinción nel Llibru Coloráu de les Aves d'España (2004) yá que sufrió un drásticu amenorgamientu na metá norte, sureste y llevante na so distribución de la península Ibérica. Esta situación llevó a la organización SEO/Birdlife a la declaración nel añu 2005 como Ave del Añu.[3]
Amenaces
Según el Llibru Coloráu de les Aves d'España (2004), les principales causes seríen demográfiques:
Subespecies
Reconócense dos subespecies d'Aquila fasciata :[2]
Referencies
Enllaces esternos
Wikiwand - on
Seamless Wikipedia browsing. On steroids.
Remove ads