BY Draconis
From Wikipedia, the free encyclopedia
Remove ads
Coordenaes: 
18h 33m 55.77s, 51° 43′ 8.9″
BY Draconis (BY Dra / HD 234677 / GJ 719) ye una estrella variable na constelación de Draco de magnitú aparente media +8,07. Alcuéntrase a 53,6 años lluz de la Tierra.
BY Draconis ye un sistema estelar con siquier trés componentes. BY Draconis A y BY Draconis B formen una binaria cercana con un periodu orbital de namái 5,98 díes. Éstos son oxetos qu'entá nun entraron na secuencia principal y qu'inda tán colapsando. Los sos tipos espectrales individuales son K6Ve y K7Vvar.[4] Formen el prototipu d'una clase de les estrelles variables conocíes como variables BY Draconis.[5]
La tercera componente, BY Draconis C, comparativamente alcuéntrase muncho más dixebrada del par AB; visualmente a una distancia angular de 17 segundos d'arcu, la separación real ye de 260 UA. Ye una nana colorada de tipu M5.[5] Puede esistir una cuarta componente nel sistema orbitando con un periodu de 114 díes, anque nun pudo ser confirmada visualmente.[5]
La variabilidá de BY Draconis débese a l'actividá na fotosfera estelar, les llamaes manches estelares, comparables a les manches solares del Sol, conxuntamente cola rápida rotación que camuda l'ángulu de visión en rellación al observador. Esta variación tien una periodicidá media de 3,8285 díes, pero'l rellumu tamién camuda nel intre de dellos añu, dependiendo del nivel d'actividá superficial. La mayoría de los observadores creen que la estrella primaria (BY Draconis A) ye la responsable de la variabilidá, pos la secundaria apenes contribúi con un terciu a la lluminosidá global del sistema. Sicasí, les manches pueden tener llugar en dambes estrelles. A diferencia del Sol, estos manches pueden asoceder nes rexones polares de les estrelles.[6]
Remove ads
Referencies
Wikiwand - on
Seamless Wikipedia browsing. On steroids.
Remove ads