Carnuezu

Carnuezu ye'l nome que recibe la carne podre. Constitúi una importante fonte d'alimentu para grandes carnívoros y omnívoros na mayoría de los ecosistemes. Dellos exemplos d'animales carnuciegos son, el cóndore andín, les utres, les águiles, los ferres, les yenes,^[1], el demónganu de Tasmania,^[2] los coyotes^[3] y el dragón de Komodo.^[4] Munchos invertebraos, como los sílfidos^[5] y les canesbes de les mosques azules y de les careses, también comen caruezu, xugando un importante papel nel reciclaxe del nitróxenu y del carbonu nos restos animales.

Utres africanos comiendo los restos d'un ñu en Kenia.

Un coyote alimentándose de carnuezu d'un alce nel Valle Lamar del parque nacional de Yellowstone mientres l'iviernu.

El caruezu entama descomponer nel momentu nel que l'animal muerre y de forma progresiva atrai inseutos y cria bacteries. Pocu dempués de la muerte del animal, el su cuerpu arreciende un golor desagradable provocáu pola presencia de bacteries y pola emisión de cadaverina y putrescina.

Delles plantes y fungos tienen un golor asemeyáu al carnuezu en descomposición y atrain inseutos que collaboren na so reproducción. Les plantes que presenten esti comportamientu son conocíes como plantes carnuciegues. Los fungos fediondos son un exemplu de fungos con esta carauterística.