Cebalrai
From Wikipedia, the free encyclopedia
Remove ads
Coordenaes: 
17h 43m 28.352s, 4° 34′ 2.293″
Cebalrai (β Ophiuchi / β Oph / 60 Ophiuchi / HD 161096)[11] ye una estrella de la constelación d'Ophiuchus, el portador de la culiebra, de magnitú aparente +2,75. Como interés hai de solliñar que sirve pa indicar la posición de la constelación de Taurus Poniatovii, güei sumida, asitiada al este d'esta estrella.[12]
Remove ads
Nome
El términu Cebalrai provién del árabe كلب الراعي (kalb al-rā‘ī), «el perru del pastor». Tamién recibe los nomes de Cheleb, Kelb Alrai, o a cencielles Alrai.
Xunto a γ Ophiuchi, na astronomía china yera conocida como Tsung Ching.[13]
Carauterístiques
Distante 82 años lluz del Sistema Solar, Cebalrai ye una xigante naranxa del tipu d'Arcturus (α Bootis), anque más pequeña y menos brillosa qu'ésta. De tipu espectral K2III y 4600 K de temperatura efectivo, tien un radiu 12,5 vegaes más grande que'l radiu solar y ye 64 vegaes más lluminosa que'l Sol. Estos parámetros dexen envalorar la so masa —aproximao'l doble de la masa solar— y probablemente agora funde heliu en carbonu nel so nucleu internu.[12] Presenta un conteníu metálico comparable a la solar y tien una edá averada de 3820 millones d'años.[14]
Cebalrai amuesa una llixera variabilidá nel so rellumu —el so magnitú absoluta varia ente +0,75 y +0,77— que paez que ta rellacionada más con cambeos nel tamañu de la estrella que con variaciones na mesma lluminosidá. Midíes espectrocópicas amuesen que la estrella bazcuya con periodu de 0,26, 13,1 y 142 díes; el periodu más llargu débese a manches escures na so superficie qu'entren y salen del campu de visión, en concordanza cola velocidá de rotación reparada de 2 km/s. Sicasí, el periodu de 13,1 díes paez debese a sutiles pulsaciones que'l so orixe nun ye del tou conocíu.[12]
Remove ads
Referencies
Wikiwand - on
Seamless Wikipedia browsing. On steroids.
Remove ads