Chris Tucker
From Wikipedia, the free encyclopedia
Remove ads
Christopher "Chris" Tucker (31 d'agostu de 1971, Atlanta)[3] ye un actor y humorista d'Estaos Xuníos conocíu poles sos interpretaciones del detective James Carter na triloxía "Rush Hour" xunto a Jackie Chan, Smokey na película "Friday" y Danny en "Silver Linings Playbook".
Remove ads
Biografía
Primeros años
Tucker nació n'Atlanta, Georgia, siendo'l fíu más nuevu de Mary Louise y Norris Tucker.[3] La so madre tuvo estrechamente amestada al trabayu na ilesia, y el so padre yera un home de negocios independiente, dueñu d'una compañía de servicios de llimpieza.[4][5] Tucker foi criáu en Decatur, Georgia.
Depués de la so graduación na Universidá de Columbia, Tucker treslladóse a Los Angeles, buscando empecipiar la so carrera como actor.
Carrera
Mientres 1992, Chris Tucker foi un invitáu frecuente nel programa "Def Comedy Jam", y anque el so debú nel cine foi na película "House Party 3", el so primer papel principal foi xunto al raperu Ice Cube na película "Friday" de 1995.
Mientres 1996 participó nel videoclip del cantar "California Love" interpretada por Tupac Shakur y Dr. Dre. Al añu siguiente co-protagonizó con Charlie Sheen la película "Money Talks" y trabayó al llau de Bruce Willis nel filme "Le Cinquième Élément".
En 1998, protagonizó "Rush Hour", película qu'entemez comedia y aición con artes marciales, y les sos remortines, Rush Hour 2 y 3, nes que compartió la pantalla con Jackie Chan encarnando al Detective James Carter. Al dase cuenta del ésitu de la primer película de Rush Hour, Tucker solicitó O$20 millones pa la so continuidá en Rush Hour 2;[6] la película llogró un enorme ésitu. La otra estrella, Jackie Chan, recibió O$15 millones y un porcentaxe de les ganancies.
A pesar de participar en bastantes películes al entamu de la so carrera, Tucker namái fixo tres apariciones na pantalla grande dende 1998, toes elles como'l detective James Carter. La carrera artística de Tucker ye inusual, pos anque fixo relativamente poques apaiciones estelares, yá ye miembru del club non oficial "O$20 millones per película", xunto a actores como Brad Pitt, Denzel Washington, Tom Cruise y Will Smith. Chris robló un contratu de dos películes con New Line Cinema por 40 millones de dólares pa protagonizar "Rush Hour 3" y "Mr S.: My life with Frank Sinatra". Tamién tien de recibir el venti per cien de les ganancies contra'l so sueldu de la tercer parte de "Rush Hour".[7]
Tucker nun retomó'l so papel de Smokey en "Next Friday" (2000) pos se convirtió al Cristianismu dempués de grabar "Money Talks" en 1997. Coles mesmes participó nel videu del cantar "You rock my world" de Michael Jackson.
El 13 de febreru de 2009, Tucker participó nel partíu de celebridaes del All-Star Weekend de la NBA, xunto col raperu Master P, los integrantes del Salón de la fama de la NBA Clyde Drexler y Dominique Wilkins, el receptor abiertu de los Vaqueros de Dallas Terrell Owens y cuatro integrantes de los Harlem Globetrotters.
En 2015 cooperó con Netflix pa crear un especial de 1 hora d'un show Stand Up en vivu. L'especial foi llamáu Chris Tucker Live, y foi extrenado el 10 de xunetu n'esclusiva pal serviciu de Streaming[8].
Remove ads
Filmografía
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads