Clitocybe nuda

Les especies de fungos con nome común en llingua asturiana márquense como ^Nmic. En casu contrariu, conséñase'l nome científicu. La Clitocybe nuda Fr. ex Bull.,^{[n 1]}, ye una cogorda d'un color espectacularmente azul o violeta escuru, saprófita que crez en suelos con abondosu humus.

Clitocybe nuda
Clasificación científica
Reinu:	Fungi
División:	Basidiomycota
Clas:	Agaricomycetes
Orde:	Agaricales
Familia:	Tricholomataceae
Xéneru:	Clitocybe
Especie:	C. nuda (Bull.) H.Y.Bigelow & A.H.Sm. (1969)
Sinonimia
Agaricus nudus Bull. (1790) Cortinarius nudus (Bull.) Gray (1821) Gyrophila nuda (Fr.) Quél. (1886) Lepista nuda (Bull.) Cooke (1871) Tricholoma nudum (Bull.) P.Kumm. (1871) Rhodopaxillus nudus (Bull.) Maire (1913) Tricholoma personatum var. nudum (Bull.) Rick (1961)[1]
Consultes
[editar datos en Wikidata]

'Lepista nuda' Carauterístiques micolóxiques
Himeniu con llámines
El sombreru ye convexu o esplanáu
Espores de color rosa
La ecoloxía ye saprófita
Comestibilidá: comestible
[editar datos en Wikidata]

Descripción

Tien un sombreru de 5 a 15 cm, marrón, azul o violaceu y la so forma puede ser dende convexa a esplanáu, col marxe endolcáu. La cutícula de color azul o violácea coles llámines bien fines y apertaes, que s'esprenden fácilmente del restu del sombreru. Pie de forma cilíndrica, color azuláu fibráu y con base bulbosa. Carne fráxil y tienro, tien un golor y sabor prestosu, pero ye tóxica en crudu.

Pue confundise con cortinarios violetes non comestibles y de golores desagradables a: mofu, tierra, orina o pólvora.

Comestibilidá

Avisu: La comestibilidá de cogordes ha determinase por micólogos espertos o autoridaes sanitaries competentes. La información errónea o incompleta pue causar daños por envelenamientu o intoxicación mortal. Nun consumas cogordes ensin garantíes.

Ye comestible cocinada, pero en crudu puede producir gastroenteritis o otres reaiciones en dellos individuos.^[2]

Hábitat y dómina

Crez en suelos con abondosu humus, y ye una de les cogordes más tardíes de la seronda, crez mientres principios del iviernu pudiéndose atopar tamién en primavera. Forma dacuando grandes grupos o círculos, en montes de planifolios y de coníferes, xardinos, márxenes de caminos o en zones fértiles o abonaes.

Otros nomes comunes

• Asturianu: Cardenal, Mexu vaques, Nazarena, Seta azul, Seta d'ancina, Seta riñón, Xeta xardón
• Mallorquín: blaveta
• Catalán: pimpinella morada o peu violeta
• Gallegu:pé azul
• Euskera: oin urdin

Notes

1. Dellos autores prefieren retener el xéneru Lepista comprobar.