Clitopilus prunulus

Les especies de fungos con nome común en llingua asturiana márquense como ^Nmic. En casu contrariu, conséñase'l nome científicu. La Clitopilus prunulus ye un fungu basidiomicetu comestible, de la familia Pluteaceae.^[1] Crez en montes de frondosas o mistos. La cogorda, o cuerpu granible, apruz pel branu y seronda.^[2] El basónimu d'esta especie ye Agaricus prunulus Scop. 1772,^[1] y el so epítetu específicu, prunulus, significa "prunu pequeñu". Ye un comestible bien apreciáu, anque nun tien de consumise cruda.^[2]

«Molinera» redirixe equí. Pa la variedá d'uva tinta orixinaria de Bailén (España), ver molinera (vide).

Clitopilus prunulus
Clasificación científica
Reinu:	Fungi
División:	Basidiomycota
Clas:	Agaricomycetes
Subclas:	Agaricomycetidae
Orde:	Agaricales
Familia:	Entolomataceae
Xéneru:	Clitopilus
Especie:	C. prunulus[1] (Scop.) P. Kumm. 1871
Sinonimia
Agaricus orcella Bull. Agaricus prunulus Scop. Clitopilus orcella (Bull.) P. Kumm. Paxillopsis prunulus (Scop.) J.Y. Lange Pleuropus orcellus (Bull.) Gray Pleuropus prunulus (Scop.) Murrill
Consultes
[editar datos en Wikidata]

Clitopilus prunulus Carauterístiques micolóxiques
Himeniu con llámines
El sombreru ye convexu
Les llámines son decurrentes
El pie ta desnudu
Espores de color rosa
La ecoloxía ye saprófita
Comestibilidá: encamentada
[editar datos en Wikidata]

Descripción

La so cogorda, cuerpu granible, tien un sombreru gris ablancazáu, d'aspeutu fariñentu y ente 8 y 12 centímetros de diámetru. Tien forma convexa n'exemplares nuevos, y vase apandando conforme madura, hasta quedar ablayáu nel centru y con cantos son irregulares y ondulaos. Les llámines son bien fines, tupies y llixeramente decurrentes, y presenten un color blancu de primeres y daqué rosáu más tarde. El pie ye curtiu, macizu y flexible, y nun suel superar los 5 centímetros de llargor. La base del pie ye afelpada. El golor de la so carne ye prestosu y bien característicu, recordando al de la farina de trigu, razón pola que la cogorda conocer col nome popular de "molinera". La esporada ye rosada.^[2]

Comestibilidá

Avisu: La comestibilidá de cogordes ha determinase por micólogos espertos o autoridaes sanitaries competentes. La información errónea o incompleta pue causar daños por envelenamientu o intoxicación mortal. Nun consumas cogordes ensin garantíes.

• Nun ha comese cruda.

Posibilidaes de tracamundiu

Ye posible tracamundiar esti fungu coles d'otres especies velenoses o non comestibles, como Clitocybe phyllophyla o Clitocybe dealbata, que tamién tienen golor fariñento y llámines estrapaes (pero elástiques y non como nel Prunulus que se ruempen al pasar el deu), pero ensin tonos rosaos y más dures que les Clitopilus prunulus.^[2]