Contopus sordidulus
especie de páxaru From Wikipedia, the free encyclopedia
Remove ads
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Contopus sordidulus[2][3] ye una especie d'ave paseriforme de la familia Tyrannidae que cría nel oeste d'América del Norte y pasa l'iviernu en Centru y Suramérica.
Remove ads
Descripción
En permediu mide 14 cm de llargor y pesa 13,5 g. Les partes cimeres son de color gris oliváceo,[4] cola corona más escura y les ales y la cola fuscas, con llinies grises nes ales; el gargüelu y el cantu de les ales son de color blancu buxu; los llaos del pescuezu, el pechu, les bandes y los lladrales son de color oliva claro y buxu; el banduyu ye blancuciu; la rexón infracaudal y el forru de les ales tienen la base abuxada y la punta blancucia. El picu ye coritu, sacante'l terciu basal que ye mariellu a anaranxáu opacu. Les pates son negres.[5]
El so llamáu ye un runfíu fuerte chip; el so cantar consiste rápidos descendentes bziyir que puede alternar con tew ti dit terminando con un bziyir descendente.[6]
Remove ads
Hábitat y ecoloxía
El so hábitat de crianza son los montes abiertos del oeste d'América del Norte. Al terminar el branu migra a Suramérica al traviés de Centroamérica y les Antilles y pasa l'iviernu nos cantos de los montes, montes secundarios maduros y plantíos d'árboles, preferentemente ente los 1.200 y 3.000 m d'altitú. Mientres les migraciones una gran cantidá d'individuos pueden ser reparaos xuntos.[5]
Alimentación
Aliméntase d'inseutos, principalmente mosques, formigues, abeyes, aviespes y escarabayos, qu'atrapa en vuelu o espigando ente la vexetación.[7]
Reproducción
Constrúi un nial en forma de copa abierta nuna horqueta d'una caña horizontal[7] o dientro d'un cuévanu d'un árbol secu. Los montes de carbayu negru de California son frecuentemente escoyíos p'añerar.[8] La fema pon 2 o 3 güevos y dambos padres alimenten los pitucos.[7]
Referencies
Enllaces esternos
Wikiwand - on
Seamless Wikipedia browsing. On steroids.
Remove ads