Edward Norton
From Wikipedia, the free encyclopedia
Remove ads
Edward Harrison Norton (18 d'agostu de 1969, Boston) ye un actor, guionista, productor y direutor de cine d'Estaos Xuníos.
Remove ads
Biografía
Edward nació y creció en Columbia, Maryland, cerca de Baltimore. La so madre Lydia Robinson Rouse, profesora de llingua inglesa, morrió d'un tumor cerebral en 1997. El so padre, Edward Norton Sr. ye un conocíu abogáu. Tien dos hermanos menores, Molly y James.[5] El so güelu maternu foi'l famosu arquiteutu James Rouse (1914 - 1996).
Dende pequeñu Edward yá s'interesó pel mundu de l'actuación. Graduóse en 1987 en Wilde Lake High School y graduóse na carrera d'historia na Universidá de Yale (1991). Como afirmó nuna entrevista, escoyó esa carrera porque tamién podía sirvi-y de refuerzu nel mundu del cine.[6] N'estudiando en diverses escueles y pasar pol teatru neoyorquín (actuando pa la Signature Theatre Company), llogró un debú nel cine xunto a Richard Gere na película Primal Fear empobinada por Gregory Hoblit. Gracies a esta película ganó'l Globu d'Oru y foi nomáu al Óscar como meyor actor de repartu pola so interpretación, que finalmente s'otorgó a Cuba Gooding Jr.
A partir d'esti momentu, Edward Norton participó en delles películes, lo que lu llevó a ser una de les persones más reconocíes del mundu artísticu. Por American History X volvió ser nomáu al Óscar, entós na categoría de meyor intérprete masculín principal, que finalmente quedó en manes de Roberto Benigni.
Un añu dempués volvía a la pantalla, acompañáu de Brad Pitt y de la mano de David Fincher, cola película Fight Club, basada na novela homónima de Chuck Palahniuk y calificada polos espertos como una de les meyores películes de los 90.
Nel añu 2000 dirixó la película Keeping the Faith, protagonizada por Ben Stiller y Jenna Elfman na que tamién actúa. Onde a éstes na versión orixinal puede apreciase como fala en castellán. Antes de los creitos, Norton dio un curtiu homenaxe a la so madre, Robin Norton, por tener fe en tol mundu.
Tamién participó en películes como The Score, xunto a Robert De Niro; Smoochy, onde compartía una peculiar rivalidá con Robin Williams; un pequeñu papel en Frida cola so ex novia Salma Hayek y películes de más amplitú taquillera como Kingdom of Heaven, interpretando al rei Balduino o The Italian Job y arrodiáu d'un gran repartida. Más tarde atrevióse con una historia independiente 25th Hour de Spike Lee, onde'l so monólogu formaba una parte principal del guión y el cual convirtióse nuna de les actuaciones más queríes polos amantes del so cine.
Norton sigue cola so carrera cinematográfica y dempués d'estrenar películes como The Illusionist, xunto a Jessica Biel o The Painted Veil, basada na adautación de W. Somerset Maughan que co-protagonizó xunto a Naomi Watts.
Vuelve a la gran pantalla con una producción The Incredible Hulk, na que tamién participó como guionista a pesar de los desalcuerdos con Marvel. Edward Norton nun ta dispuestu pa protagonizar la tercer entrega de Hulk.
Norton creó apocayá Class 5 Films n'asociación col so hermanu Jim Norton, l'escritor Stuart Blumberg y el productor Bill Migliore. La división de llongures de Class 5 va producir películes al traviés d'un alcuerdu con Universal Pictures, y la división de documentales va producir películes sobre naturaleza y ciencia. La primer producción de documentales de Class 5 ye una película pa Outdoor Life Network, The Great Rivers Expedition. Class 5 ta coles mesmes collaborando cola Sea Studies Foundation na so multimillonaria serie pa National Geographic sobre'l sistema de les ciencies de la tierra, Strange Days on the Planet Earth, con Norton como presentador y narrador.
Norton apaeció na comedia de televisión ganadora del premiu Emmy Modern Family en 2010, como un miembru ficticiu de la banda real de los años 80 Spandau Ballet.
Vida privada
Edward foi noviu de Courtney Love dende 1996 hasta 1999.[7] En 1999 tuvo una curtia rellación cola actriz Drew Barrymore. Ente l'añu 1999 y l'añu 2003 Edward caltuvo una rellación cola actriz mexicana Salma Hayek y, poro, tamién fala daqué d'español. En 2005 caltuvo una rellación cola actriz Evan Rachel Wood quién co-protagonizó xunto a él Down in the Valley.
Activismu social
Edward Norton collaboró con tiempu y dineru pa distintes causes sociales: ente elles, la llucha por ameyorar el nivel de vida de coleutividaes afeutaes pola probeza. Ye miembru d'Enterprise Foundation, empresa ensin ánimu d'arriquecimientu dedicada a ameyorar y rehabilitar viviendes destinaes a families de clase baxa en distintes ciudaes del mundu.
Tamién ye conocida la so ayuda en temes rellacionaes col ecoloxismu y les enerxíes anovables, como'l programa "BP Solar Neighbors" que facilita paneles solares que dexen el llogru d'enerxía pa los llares menos favorecíos del este de Los Angeles.[8]
Apocayá foi designáu Embaxador de bona voluntá de les Naciones Xuníes pa la Biodiversidá.
Remove ads
Filmografía
Actor
Direutor
Guionista
Productor
Narrador
- Díes estraños nel planeta tierra (4 episodios)
- Bustin Down The Door (documental)
Creitos musicales
Smoochy 2002
- My Stepdad's Not Mean (He's Just Adjusting)
- Smoochy's Methadone Song
- Smoochy's Magic Jungle Theme
- The Cookie Chant
Everyone Says I Love You 1996
- Just You Just Me
- My Baby Just Cares for Me
- I'm Thru With Love
Remove ads
Premios y nominaciones
Óscars
Remove ads
Salariu
Referencies
Enllaces esternos
Wikiwand - on
Seamless Wikipedia browsing. On steroids.
Remove ads