El rostru impenetrable
película de 1961 dirixida por Marlon Brando From Wikipedia, the free encyclopedia
Remove ads
El rostru impenetrable (títulu orixinal n'inglés: One-Eyed Jacks) ye un western de 1961 fechu n'Estaos Xuníos d'América, dirixíu y protagonizáu por Marlon Brando, al que tamién acompangaba'l conocíu actor Karl Malden. Nun principiu empezó a dirixilu Stanley Kubrick, masque tres dellos meses sería despedíu por desalcuerdos con Marlon Brando, qu'acabó dirixendo la película. L'actriz Rosita Moreno collaboró como asesora téunica.
.jpg)
Remove ads
Remove ads
Argumentu
Tres robar un bancu d'un llugarucu na llende de Méxicu, Dad Longworth (Karl Malden) decide fuxir con tol botín y abandonar al so amigu y compañeru de fechoríes, Río (Marlon Brando), a la so suerte. Arrestáu pola xusticia mexicana pasará cinco años na dura prisión de Sonora, d'onde Río llogra fugase col envís d'afayar al so vieyu collaciu y vengase pola so traición. Por embargu, planeando l'asaltu d'un bancu de Monterrei (California), topará con que'l traidor ye agora'l xérif del pueblu, que pasara toos estos años tarreciendo'l so regresu. Río quedará dafechamente namoráu de la fía de Dad, Luisa (Pina Pellicer), lo que provocará la ira del xérif.
Remove ads
Adautación y desarrollu
Rod Serling , yá famosu por ser el creador de la serie The Twilight Zone, escribió una adautación de la novela The Authentic Death of Hendry Jones de Charles Neider (1956), a petición del productor Frank P. Rosenberg . El llibru foi un tratamientu ficticiu de la historia de Billy the Kid, treslladáu dende Nuevu Méxicu hasta la Península de Monterrei en California. El tratamientu refugóse.
Rosenberg contrató dempués a Sam Peckinpah, que terminó'l so primer guión el 11 de payares de 1957. La Pennebaker Producciones de Marlon Brando pagara 40.000 dólares polos derechos de la novela y llueu firmó un contratu con Stanley Kubrick como direutor, pa Paramount Pictures. En 1959 Brando despidió a Peckinpah y contrató a Calder Willingham , pero él y Brando nun avanzaron, polo que tanto Willingham como Kubrick fueron despedíos. Guy Trosper convirtióse nel nuevu guionista y trabayó na historia con Brando.
La película tuvo bien poco que ver cola novela de Neider. Cuando Karl Malden contestó la pregunta sobre quién escribiera realmente la historia, dixo: "Hai una rempuesta a la so pregunta - Marlon Brando, un xeniu del nuestru tiempu"
_1.jpg)
Remove ads
Llanzamientu
La película presentóse'l 30 de marzu de 1961 na ciudá de Nueva York.
Crítica
Gran parte de la crítica consideró qu'El rostru impenetrable yera un megalómanu vanity film y un exerciciu narcisista del so direutor-actor. A la contra, la so receición n'Europa foi perbona, y asina en xunetu de 1961 recibió la Concha d'Oru nel Festival Internacional de Cine de San Sebastián.
Nos Estaos Xuníos, la rempuesta nun foi tan bona, y la película namás foi candidata al Óscar a la meyor fotografía: el trabayu del so artífice, Charles Lang (1902 - 1998), recibió bones crítiques.
Remove ads
Repartu
Otros dobladores que participaron nel doblaxe son Ángel Héctor Sánchez, Fernando de Luxán, Begoña Faro, Carlos Rodríguez, Jéssica de la Paz, Alberto Álvarez, Xulián García y Mario Artidiello.
Remove ads
Doblaxe n'asturianu
Dobláu al asturianu por Gonzali Producciones estrenólu la Radiotelevisión del Principáu d'Asturies nuna emisión el 27 d'avientu de 2013. Hubo una reposición el 10 de mayu de 2014. Illán Gonzali dirixó y produció'l versionáu, con un repartu de más de venti actores de doblaxe.
Cultura popular
One-Eyed Jacks ye'l nome d'un burdel na serie de televisión Twin Peaks creada por David Lynch y Mark Frost .
Referencies
Enllaces esternos
Wikiwand - on
Seamless Wikipedia browsing. On steroids.
Remove ads