Eleiciones al Parllamentu Vascu de 2016
From Wikipedia, the free encyclopedia
Remove ads
Les eleiciones al Parllamentu Vascu de 2016, que dieron pasu a la xi llexislatura, celebráronse'l domingu 25 de setiembre de 2016. Nesi mesmu día tamién se celebraron les eleiciones al Parllamentu de Galicia.
.jpg)
.jpg)
.jpg)
.jpg)
.jpg)
Remove ads
Antecedentes
Nuevos partíos
Les eleiciones al Parllamentu Vascu de 2016 foron el final d'un llargu ciclu eleutoral qu'entamó nes eleiciones europees de 2014. Estes eleiciones caracterizárense pol surdimientu de nueves fuercies polítiques; ente les que destacaron Podemos y Ciudadanos. Pa estes fuercies estes eleiciones yeren la primer ocasión en presentase a los comicios vascos, polo qu'atroparon bona parte de l'atención mediática sobre la so entrada o non nel Parllamentu Vascu.
Escarcelación y candidatura d'Arnaldo Otegi
El 1 de marzu de 2016 el secretariu xeneral de Sortu Arnaldo Otegi abandonó la prisión de Logroño dempués de cumplir la pena de reclusión impuesta pol Tribunal Supremu nel casu Bateragune. Amás de la pena de prisión, Otegi foi condergáu a la inhabilitación pa exercer cualquier cargu públicu hasta l'añu 2021.[1] Sicasí, el 24 de mayu, la coalición EH Bildu lu proclama candidatu a lehendakari, amparándose en que la sentencia nun especificaba a qué cargos concretos afectaba la so inhabilitación.[2] Tres la convocatoria oficial de les eleiciones pal 25 de setiembre, los distintos partíos empezaron a manifestar les sos opiniones al respeutu.
El Partíu Nacionalista Vascu y Podemos-Ahal Dugu anunciaron que nun impugnaríen la candidatura yá que creyíen que teníen de ser los ciudadanos los que decidieren si Otegi merecía ser escoyíu o non;[3] el Partíu Socialista d'Euskadi, pela so parte, manifestó que tampoco la impugnaría yá que, según la formación, la decisión tien de tomala la xusticia;[4] mientres que'l Partíu Popular, Ciudadanos y Unión, Progresu y Democracia anunciaron que tres la publicación de les llistes eleutorales allegaríen a la fiscalía pa impugnar la candidatura.[5]
El 24 d'agostu la Xunta Eleutoral Provincial de Guipúzcoa determinó que Otegi nun podía ser candidatu nes llistes d'EH Bildu por tar inhabilitáu.[6] La periodista Maddalen Iriarte, qu'ocupaba'l segundu puestu, pasó a encabezar la llista de Gipuzkoa, tal como establez l'artículu 65.2 de la Llei Eleutoral del País Vascu.[7]
Remove ads
Candidatures
Per circunscripciones
Na primer columna de la tabla, ordenáronse los partidos según el númberu d'escaños algamaos per cada circunscripción. Na segunda columna, los partidos ensin representación tán ordenaos según el númberu de votos llograos. En negrín los candidatos a lehendakari:
Remove ads
Resultaos
Investidura
El 24 de payares de 2016 Iñigo Urkullu ye reelixíu lendakari, en segunda votación, al algamar la mayoría simple del Parllamentu Vascu colos votos de los representantes de PNV y PSE-EE[13]
Remove ads
Referencies
Wikiwand - on
Seamless Wikipedia browsing. On steroids.
Remove ads