Elliott Reid

Elliott Reid (16 de xineru de 1920 - 21 de xunu de 2013) foi un actor d'Estaos Xuníos de Nueva York.^[2]

Elliott Reid
Vida
Nacimientu	Manhattan, 16 de xineru de 1920[1]
Nacionalidá	Estaos Xuníos
Muerte	Studio City, 21 de xunu de 2013[1] (93 años)
Causa de la muerte	insuficiencia cardiaca
Oficiu
Oficiu	comediante, actor de teatru, actor de televisión, actor de cine, guionista
IMDb	nm0717256

Reid cola actriz Pat Crowley nun episodiu de Goodyear Theatre en 1959.

Carrera

Edgeworth Blair Reid nació'l 16 de xineru de 1920, ye fíu de Christine Challenger Reid, una artista y Blair Reid, un banqueru.

En 1935 debutó nel programa de radio The March of Time, que lu llevó a trabayar regularmente en drames de radiu mientres la dómina dorada de la radio. Dende'l principiu tomó "Elliott" como'l so nome artísticu. Los sos creitos inclúin, ente otros, munches direiciones escéniques y producciones de radiu d'Orson Welles, tales como: The Mercury Theatre on the Air y tamién actuó en Cavalcade of America, Theatre Guild on the Air y CBS Radio Mystery Theater. En delles de les primeres representaciones foi acreditáu como "Ted Reid."

El papel de la película más conocida de Reid foi como Ernie Malone, detective priváu contratáu pa espiar al personaxe de Marilyn Monroe, namái pa depués convertise nel interés amorosu de Jane Russell, nel clásicu de la 20th Century-Fox, Gentlemen Prefer Blondes (1953). Variety emponderó la so actuación y la de Tommy Noonan, citando "Reid y Noonan lleváronse los perbién los llugares románticos malos".^[3]

Foi un miembru de The Actors Studio dende los sos entamos,^[4] y un personaxe regular na cadena de televisión NBC nel programa That Was the Week That Was (1964-1965) y tuvo apaiciones especiales feches en Murder, She Wrote, The Odd Couple, I Love Lucy, Barney Miller, Small Wonder, Perry Mason y Los Munsters.

Ente les sos habilidaes especiales, Elliot Reid foi tamién un impresionista realizáu. Yera tan famosu cola so imitación de JFK qu'en 1962 foi convidáu a presentase en frente del mesmu John F. Kennedy. El presidente taba contentu cola presentación.^[5]

Elliott Reid morrió de insuficiencia cardiaca'l 21 de xunu de 2013, a la edá de 93 años. Él viviera nun centru d'asistencia en Studio City, según el so sobrín, onde tuviera viviendo mientres los últimos años.^[2]

Filmografía escoyida

• Young Idees (1943)
• The Story of Dr. Wassell (1944)
• A Double Life (1947)
• Sierra (1950)
• The Whip Hand (1951)
• Vicki (1953)
• Gentlemen Prefer Blondes (1953)
• Woman's World (1954)
• Inherit the Wind (1960)
• The Absent-Minded Professor (1961)
• The Thrill Of It All (1963)
• Son of Flubber (1963)
• Who's Been Sleeping in My Bed? (1963)
• Move Over Darling (1963)
• The Wheeler Dealers (1963)
• Follow Me, Boys! (1966)
• Blackbeard's Ghost (1968)
• Some Kind of a Nut (1969)
• Heaven Can Wait (1978)
• Young Einstein (1988)