Amanita rubescens

Les especies de fungos con nome común en llingua asturiana márquense como ^Nmic. En casu contrariu, conséñase'l nome científicu. La feridona^[1] (Amanita rubescens) ye un fungu basidiomicetu carauterizáu por tener un sombreru globosu, cuando ye nuevu, qu'evoluciona a planu, de color acoloratáu, cola tonalidá del vinu: nel maduror, tien numberosos restos del velu de la volva, de color blancu arrosáu. La cutícula ye xebrable con facilidá. El marxe, incurváu a planu, nun ye estriáu, y ye delgáu. Les llámines, numberoses, llibres, son de color blancu, según les sos espores. El pie ye cilíndricu, de color ablancazáu a rosáu; na so base tien una volva del mesmu color o llixeramente más enchíu.^[2] Crez en pinares y en gorbizales.

Amanita rubescens feridona
Clasificación científica
Reinu:	Fungi
División:	Basidiomycota
Clas:	Agaricomycetes
Orde:	Agaricales
Familia:	Amanitaceae
Xéneru:	Amanita
Especie:	A. rubescens (Pers. ex Fr.) Gray
Consultes
[editar datos en Wikidata]

Amanita rubescens Carauterístiques micolóxiques
Himeniu con llámines
El sombreru ye aplanáu
Les llámines son llibres
El pie tien aniellu
Espores de color blancu
La ecoloxía ye micorriza
Comestibilidá: comestible
[editar datos en Wikidata]

Comestibilidá

Amanita rubescens

Avisu: La comestibilidá de cogordes ha determinase por micólogos espertos o autoridaes sanitaries competentes. La información errónea o incompleta pue causar daños por envelenamientu o intoxicación mortal. Nun consumas cogordes ensin garantíes.

D'interés en gastronomía, tien de consumise siempres cocinada, enxamás cruda; esto débese a la presencia d'hemolisines que sumen al calecer hasta los 65 °C.^[2] Estes hemolisines actúen desaniciando los eritrocitos del sangre. Sicasí, el so interés culinariu ta aldericáu, yá que, entá destruyíes les hemolisines tres un shock térmicu, entá son indixestes.^[2]

Tracamundios

Tien de curiase la so identificación porque s'empresta a tracamundiu con Amanita pantherina, esta postrera bien tóxica.