Gliese 794
From Wikipedia, the free encyclopedia
Remove ads
Gliese 794 (WD 2032+248)[1] ye una nana blanca encuadrada na constelación de Vulpecula. La so magnitú aparente ye +11,55 y alcuéntrase a 48 años lluz del Sistema Solar.[2]
Gliese 794 tien tipu espectral DA2, siendo'l so temperatura efectivo de 20.704 ± 322 K[2] —otru estudiu amenorga dicha cifra a 19.980 K—.[3] Como les nanes blanques nun xeneren enerxía por fusión nuclear, sinón que radien al esterior l'escesu de calor a un ritmu constante, col tiempu la so temperatura superficial va baxando; Gliese 794 ye una nana blanca bien caliente, con una edá envalorada —como remanente estelar— de namái 60 millones d'años. Ente toles nanes blanques a menos de 20 pársecs del Sistema Solar, ye una de les más calientes y nueves.[2] Amás, la lluminosidá d'estos oxetos escai col tiempu, polo que Gliese 794 ye una nana blanca entá bien lluminosa, magar que relluma col 0,0275% de la lluminosidá solar. Anque ye un 7% menos lluminosa que Siriu B, la so lluminosidá ye 56 vegaes superior a la de Procyon B. Presenta una velocidá de rotación proyeutada de 11 ± 5.[4] Tien una masa equivalente a 0,64 mases solares, valor habitual n'estrelles dexeneraes y práuticamente igual a la de la citada Procyon B.[2]
L'atmósfera de Gliese 794 ta compuesta fundamentalmente d'hidróxenu. Les atmósferes de nanes blanques con una temperatura cimero a 50.000 K siempres contienen elementos pesaos, ente que per debaxo de dicha temperatura esiste una dicotomía ente aquelles compuestes namái por hidróxenu puru y aquelles nes que pueden detectase dichos elementos. En concretu, la bayura de siliciu —único metal detectáu en Gliese 794— escai cola temperatura.[5] A lo último, cabo resaltar la midida del campu magnéticu de Gliese 794, que ye de 2700 G.[6]
Remove ads
Referencies
Wikiwand - on
Seamless Wikipedia browsing. On steroids.
Remove ads