HD 219077

HD 219077 (HR 8829) ye una estrella de magnitú aparente +6,12 na constelación de Tucana. Alcuéntrase a 96 años lluz del Sistema Solar.

HD 219077
Datos d'observación (Dómina J2000.0)
Constelación	Tucana
Ascensión reuta (α)	23h 14min 06,59s
Declinación (δ)	-62º 42’ 00,0’’
Mag. aparente (V)	+6,12
Carauterístiques físiques
Clasificación estelar	G8V
Masa solar	0,81 - 1,06 M☉
Radiu	(1,94 - 1,99 R☉)
Magnitú absoluta	+3,79
Gravedá superficial	4,00 (log g)
Lluminosidá	2,8 L☉
Temperatura superficial	5362 ± 18 K
Metalicidá	[Fe/H] = -0,13
Astrometría
Velocidá radial	-31,3 km/s
Distancia	96 años lluz (29 pc)
Paralax	34,07 ± 0,37 mas
Referencies
SIMBAD	enllaz
Otres designaciones
HR 8829 / HIP 114699 / SAO 255435 / CD63 1596 / LHS 3912 / PPM 366322
[editar datos en Wikidata]

Carauterístiques físiques

HD 219077 ye una nana mariella de tipu espectral G8V.^[1] Tien una temperatura efectivo de 5362 ± 18 K y la so lluminosidá ye 2,7 vegaes superior a la del Sol.^[2] El so radiu práuticamente ye'l doble del radiu solar —diverses fontes señalen un tamañu ente un 94% y un 99% más grande—^[3][4] y xira sobre sigo mesma con una velocidá de rotación proyeutada de 1,9 km/s.^[5]

Con una masa ente 0,81 y 1,06 mases solares, ye una estrella antigua con una avanzada edá de 8270 - 8900 millones d'años.^[2][3] Como la mayor parte de les estrelles de la nuesa redolada, ye una estrella del discu finu.^[6]

Composición química

HD 219077 amuesa una bayura relativa de fierro inferior a la del Sol ([Fe/H] = -0,13). Otros elementos evaluaos como carbonu, magnesiu y siliciu, son tamién daqué deficitarios en rellación a los niveles solares. Col fin d'estudiar la composición d'hipotéticos planetes terrestres, evaluáronse les rellaciones C/O y Mg/Si en HD 219077. La rellación C/O ye 0,55, lo qu'implica que, al igual que na Tierra, el siliciu sólido fundamentalmente atoparíase formando cuarzu y silicatos. La rellación Mg/Si —que controla la composición exauta de los silicatos de magnesiu— ye 1,15, polo que los silicatos presentes son predominantemente olivino y piroxeno, nuna secuencia de condensación asemeyada a la solar. D'esistir planetes terrestres, cabría esperar que tuvieren una composición asemeyada a la de la Tierra.^[7]