HD 4208
estrella nana mariella From Wikipedia, the free encyclopedia
Remove ads
Coordenaes: 
0h 44m 26.651s, -26° 30′ 56.456″
HD 4208 (HIP 3479 / SAO 166526 / GJ 9024) ye una estrella de magnitú aparente +7,79[10] asitiada na constelación de Sculptor cerca de la llende con Cetus. Alcuéntrase a 107 años lluz de distancia del Sistema Solar. En 2001 anuncióse'l descubrimientu d'un planeta estrasolar n'órbita alredor d'esta estrella.[11]
HD 4208 ye una nana mariella de tipu espectral G5V que tien una temperatura efectivo de 5585 ± 50 K.[12] Menos lluminosa que'l Sol, relluma col equivalente al 71% de la lluminosidá solar. El so radiu ye ente'l 89% y el 91% del radiu solar[12][13] y tien una masa que correspuende al 83% de la masa solar.[14] La so edá envalorada, 4470 millones d'años, ye práuticamente idéntica a la de la nuesa estrella.[15]
El conteníu de fierro de HD 4208 namái supón el 58% del que tien el Sol, a diferencia d'otres estrelles con planetes xigantes, onde paez haber una rellación ente la esistencia d'estos planetes y una elevada metalicidá —bayura relativa d'elementos más pesaos que'l heliu—.[11] Apocayá cuestionóse dicha rellación, suxiriéndose que la presencia de planetes xigantes ta rellacionada con un parámetru amestáu al radiu de la órbita galáutica y non cola metalicidá.[16]
Remove ads
Sistema planetariu
En redol a HD 4208 orbita un planeta denomináu HD 4208 b— con una masa mínimo del 80% de la masa de Xúpiter. Muévese a una distancia media de la estrella de 1,65 UA con un periodu orbital de 812 díes, a lo llargo d'una órbita similar a la de Marte nel nuesu Sistema Solar.[11][15]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads