HD 4308

HD 4308^[1] ye una estrella de magnitú aparente +6,55 encuadrada na constelación de Tucana. En 2005 afayóse un planeta de baxa masa n'órbita alredor d'esta estrella.^[2]

HD 4308
Datos d'observación (Dómina J2000.0)
Constelación	Tucana
Ascensión reuta (α)	00h 44m 39,27s
Declinación (δ)	-65º 38’ 58,3’’
Mag. aparente (V)	+6,55
Carauterístiques físiques
Clasificación estelar	G6V
Masa solar	0,90 M☉
Radiu	(1,06 R☉)
Magnitú absoluta	+4,83
Gravedá superficial	4,38 (log g)
Lluminosidá	0,98 L☉
Temperatura superficial	5644 K
Metalicidá	[Fe/H] = -0,34
Astrometría
Velocidá radial	97,7 km/s
Distancia	71,9 ± 0,6 años lluz
Paralax	45,34 ± 0,32 mas
Sistema
Planetes y otros astros	1
Referencies
SIMBAD	enllaz
NStED	enllaz
Otres designaciones
HIP 3497 / SAO 248244 / GJ 9028 / CPD -66 38 / PPM 352003
[editar datos en Wikidata]

Carauterístiques

HD 4308 ye una nana mariella de tipu espectral G6V^[3] o G5V.^[2] Tien una temperatura superficial de 5644 K^[4] y la so lluminosidá ye un 2% inferior a la lluminosidá solar.^[5] El so radiu ye un 6% más grande que'l radiu solar^[6] y xira sobre sigo mesma con una velocidá de rotación igual o superior a 0,2 km/s.^[7] Tien una masa inferior a la masa solar nun 20%.^[5]

A diferencia del Sol, l'alta velocidá espacial de HD 4308 indica que ye una vieya estrella del discu gruesu^[8] que la so edá puede ser d'aproximao 10.900 millones d'años.^[9] Presenta una metalicidá —bayura d'elementos más pesaos que'l heliu— baxa, menos de la metá de la que tien el Sol ([Fe/H] = -0,34).^[4] Esti empobrecimientu ye entá más patente nel casu del manganesu, pero tamién ye observable, anque en menor midida, para sodiu, cromu y níquel.^[8][4] Per otra parte, la so bayura relativa de litiu (log_є[Li] = 1,05)^[10] ye igual a la del del Sol o a la de 61 Virginis, estrella asemeyada a HD 4308 qu'alluga tamién un sistema planetariu.

Sistema planetariu

En 2005 afayóse la esistencia d'un planeta de baxa masa, denomináu HD 4308 b, n'órbita alredor de HD 4308. Tien una masa mínimo equivalente a 14 vegaes la masa de la Tierra —nel rangu d'Uranu o Neptunu—, moviéndose a una distancia de 0,12 UA al respective de la so estrella. Completa una órbita en namái 15,6 díes.^[11]

Acompañante (N'orde dende la estrella)	Masa (MJ)	Periodu orbital (díes)	Semiexe mayor (UA)	Escentricidá
HD 4308 b	> 0,0405 ± 0,005	15,609 ± 0,007	0,118 ± 0,09	0,27 ± 0,12

Col fin d'estudiar la mineraloxía d'hipotéticos planetes terrestres, evaluáronse les rellaciones C/O y Mg/Si en HD 4308. Asina, la rellación C/O ye 0,60, lo qu'implica que, al igual que nel Sistema Solar, el siliciu sólidu alcuéntrase como cuarzu y silicatos, predominantemente formando silicatos de magnesiu. Nel casu de HD 4308 (Mg/Si = 1,20), éstos son olivino y piroxeno, tamién como nel ámbitu solar.^[4]

Ver tamién

• Llista de planetes estrasolares