HD 52265
estrella From Wikipedia, the free encyclopedia
Remove ads
HD 52265 (HR 2622)[1] ye una estrella de magnitú aparente +6,30 asitiada na constelación de Monoceros, el unicorniu. Alcuéntrase a 94 años lluz de distancia del Sistema Solar. Dende 2000 conozse la esistencia d'un planeta estrasolar n'órbita alredor d'esta estrella.[2]
HD 52265 ye una nana mariella —un análoga solar de carauterístiques asemeyaes al Sol— de tipu espectral G0V. Con una temperatura efectivo de 6100 ± 60 K, la so lluminosidá ye llixeramente cimera al doble de la lluminosidá solar. Tien un radiu un 25% más grande que'l radiu solar[3] y xira sobre sigo mesma con una velocidá de rotación de 3,6 km/s. El so periodu de rotación ye, a lo más, de 12,3 díes y esisten nicios de rotación diferencial. Ye una estrella con poca actividá magnética.[4] Con una masa de 1,20 mases solares, piénsase que tien una edá de 3800 millones d'años.[5]
HD 52265 una estrella rica en metales, que la so metalicidá, dependiendo de la fonte consultada, ye ente'l 54% y el 70% más elevada que la solar. L'analís químicu pon de manifiestu que nun esiste una marcada «sobreabundancia» de nengún elementu en concretu. Sicasí, hai de solliñar l'eleváu nivel de litiu en comparanza al Sol; el valor de logє[Li] ye igual a 2,88 en HD 52265, frente a 1,05 nel Sol.[4]
HD 52265 ye miembru del «supercúmulu de les Híades»,[6] ampliu grupu d'estrelles que comparten coles Híades el mesmu movimientu al traviés del espaciu. Otres estrelles asemeyaes incluyíes nesti grupu son HD 41700, 9 Ceti y ι Horologii.[6]
Remove ads
Sistema planetariu
El planeta estrasolar, denomináu HD 52265 b, foi afayáu de forma independiente por Butler et al. en 2000[7] y Naef et al. en 2001.[8] Tien una masa mínimo llixeramente mayor que la de Xúpiter y la so separación al respective de la estrella ye de 0,5 UA. Emplega 120 díes en completar una órbita.[2]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads