HIP 112312
From Wikipedia, the free encyclopedia
Remove ads
HIP 112312 ye una estrella binaria encuadrada na constelación del Pez Austral a 76 años lluz del Sistema Solar. Ta compuesta por dos estrelles variables, WW Piscis Austrini, de magnitú aparente +12,10, y TX Piscis Austrini, de magnitú +13,36. La separación visual ente dambes ye de 35,5 segundos d'arcu.
Remove ads
WW Piscis Austrini
WW Piscis Austrini (WW PsA) ye una estrella presecuencia principal —implicando que ta na fase evolutiva previa a la so entrada na secuencia principal— de tipu espectral M4IVe.[1] Tien una temperatura superficial de 3391 K[2] —3150 K según otru estudiu— y ye bien pocu lluminosa en comparanza al Sol, siendo la so lluminosidá equivalente al 7,5% de la lluminosidá solar.[3] Magar que la so masa apenes algama'l 31% de la masa solar,[4] el so radiu ye igual al del Sol, consecuencia del so tempranu estáu evolutivu. Xira sobre sigo mesma con una velocidá de rotación proyeutada de 12,1 km/s, siendo el so periodu de rotación de 2,37 díes.[5]
WW Piscis Austrini ye una variable BY Draconis amás d'una estrella acandilante.[6] Les estrelles acandilantes despiden fogarales que traen un aumentu sópitu ya impredicible na so lluminosidá, medría que tien llugar en tol espectru electromagnéticu, dende rayos X a ondes de radio. Diches erupciones tienen ente unos minutos y unes poques hores de duración. UV Ceti, EV Lacertae o la conocida Proxima Centauri son estrelles d'esti tipu. L'amplitú de la variación de rellumu de WW Piscis Austrini ye de 0,35 magnitúes.[6]
Remove ads
TX Piscis Austrini
TX Piscis Austrini (TX PsA) ye, igualmente, una estrella presecuencia principal colorada pero de tipu espectral M5IVe.[7] Tien una temperatura superficial de 3316 K[2] —3000 K según otru estudiu— y la so lluminosidá ye la metá de la del so acompañante, igual al 3,2% de la lluminosidá solar.[3] La so masa ye igual al 17% de la masa solar[4] y el so radiu ye en redol a un 20% más pequeñu que'l de WW Piscis Austrini.[2] Xira sobre sigo mesma con una velocidá de rotación de 17 km/s.[5]
TX Piscis Austrini ye coles mesmes una estrella acandilante que'l so rellumu varia 0,04 magnitúes.[8]
Remove ads
Pertenencia a l'Asociación estelar de Beta Pictoris
El sistema forma parte de l'Asociación estelar de Beta Pictoris, que la so edá averada ye de namái 10 o 12 millones d'años.[5] Amás de β Pictoris, que da nome a l'asociación, otros miembros de la mesma son AU Microscopii, AT Microscopii y V1005 Orionis.[9]
Ver tamién
Referencies
Wikiwand - on
Seamless Wikipedia browsing. On steroids.
Remove ads