Piscis Austrinus
From Wikipedia, the free encyclopedia
Remove ads
Piscis Austrinus o Piscis Australis (dambos del Llatín pa Pexe del Sur o Pexe Austral) foi una de les 48 constelaciones llistaes por Toloméu, y tamién ye una de les 88 constelaciones modernes.
Remove ads
Mitoloxía
Piénsase qu'orixinalmente, Piscis Austrinus foi la única constelación con forma de pexe. Piscis foi considerada con forma de pexe postreramente.
La so descripción remanez de l'Antigua Grecia, que la tomó de Fenicia o Siria, au Piscis Austrinus identifícase con un pexe que salvó a la diosa siria de la fertilidá Derceto de morrer afogada.
Na mitoloxía griega, esta constelación conozse como'l Gran Pexe y ye representáu como tragándose l'agua esparnao por Acuariu, la constelación del portador d'agua. Dizse que los dos pexes de la constelación de Piscis son los descendientes del Gran Pexe.
Na mitoloxía exipcia, esti pexe salvó la vida de la diosa exipcia Isis, polo qu'asitia a esti pexe y a los sos descendientes nos cielos como constelaciones d'estrelles.[1]
Remove ads
Carauterístiques destacables
Fomalhaut, la principal estrella de la constelación, tópase arrodiada por un discu de polvu. En 2008 anuncióse'l descubrimientu d'un planeta denomáu Fomalhaut b— alredor d'esta estrella, siendo'l primera planeta estrasolar reparáu nel espectru visible. Envalórase que la masa del planeta nun entepasa en tres vegaes la masa de Xúpiter y ye siquier tan masivu como Neptunu.
Otra estrella d'interés ye Lacaille 9352, una nana colorada asitiada a menos de 11 años lluz del sistema solar. Foi escoyida como oxetivu prioritariu de la Space Interferometry Mission (SIM) de la NASA, proyeutu de busca de planetes terrestres.
Remove ads
Estrelles
Estrelles principales
- α Piscis Austrini (Fomalhaut —del árabe فم الحوت fum/fam al-ħūt, "boca del pexe/ballena"—), estrella blanca de la secuencia principal de magnitú 1,16 que tien un discu circunestelar. Tamién tien un planeta estrasolar. Ye conocida tamién polos nomes de Os Piscis Meridiana, Os Piscis Meridionalis, Os Piscis Notii y Difda al Auwel.
- β Piscis Austrini, estrella doble que les sos componentes, de magnitú 4,29 y 7,04, tán dixebraes 30 segundos d'arcu.
- γ Piscis Austrini, estrella blanca de magnitú 4,46.
- δ Piscis Austrini, xigante mariella de magnitú 4,23, la tercer estrella más brillosa del Pexe Austral
- ε Piscis Austrini, segunda estrella más brillosa de la constelación con magnitú 4,18.
- μ Piscis Austrini, subxigante blanca de magnitú 4,50.
- π Piscis Austrini, sistema binariu de magnitú 5,12 qu'amuesa un escesu nel infrarroxu.
- τ Piscis Austrini, nana mariella más lluminosa que'l Sol de magnitú 4,92.
- R Piscis Austrini, variable Mira con un periodu de 297,6 díes qu'en rellumu máximu algama magnitú 8,3.
- TW Piscis Austrini, nana naranxa de magnitú 6,48 distante 25 años lluz de la Tierra.
- VV Piscis Austrini, estrella Be de magnitú 7,00.
- Lacaille 9352 (GJ 887), tenue nana colorada de magnitú 7,34 asitiada a 10,7 años lluz que tien un gran movimientu propiu.
- HIP 112312, estrella binaria formada por dos estrelles presecuencia principal, denomaes WW Piscis Austrini y TX Piscis Austrini.
- HD 205739 y HD 216770, estrelles qu'alluguen planetes estrasolares.
Otres estrelles con designación Bayer
- ζ PsA 6,43; 12/η PsA 5,43; 10/θ PsA 5,02; 9/ι PsA 4,35; 16/λ PsA 5,45; υ PsA 4,99
Otres estrelles con designación Flamsteed
- 2 PsA 5,20; 3 PsA 5,41; 5 PsA 6,52; 6 PsA 5,97; 7 PsA 6,10; 8 PsA 5,73; 13 PsA 6,45; 19 PsA 6,12; 21 PsA 5,99
Oxetos de cielu fondu
- NGC 7314, tenue galaxa de magnitú 10,9.
Referencies
Enllaces esternos
Wikiwand - on
Seamless Wikipedia browsing. On steroids.
Remove ads