HP Bootis
From Wikipedia, the free encyclopedia
Coordenaes: 
14h 50m 15.811s, 23° 54′ 42.634″
HP Bootis (HP Boo / HD 130948 / HR 5534 / GJ 564)[8] ye una estrella de magnitú aparente +5,88 asitiada na constelación de Boötes, el pastor de gües. Dos nanes marrones orbiten alredor d'esta estrella, asitiada a 59,3 años lluz del Sistema Solar.
HP Bootis ye una nana mariella de tipu espectral G2V[8] con una temperatura superficial de 5943 K.[9] D'igual tamañu que'l Sol, tien una masa un 35% mayor que la masa solar y relluma con una lluminosidá un 20% mayor que la lluminosidá solar.[10] Estudios d'actividá cromosférica y xirocronoloxía indiquen que ye una estrella nueva con una edá averada de 790 millones d'años.[11] En comparanza al Sol, esta nueva análoga solar amuesa una alta velocidá de rotacion igual o superior a 6,00 km/s, con un periodu de rotación de 7,84 díes —el Sol emplega aproximao 26 díes en completar un xiru—. Al ser una estrella cromosféricamente activa, ta catalogada como variable BY Draconis.[12] El so metalicidá paez ser llixeramente inferior a la esistente nel Sol ([Fe/H] = -0,04).[13]
Binaria de nanes marrones
A 2,6 segundos d'arcu de HP Bootis alcuéntrase un sistema binariu formáu por dos nanes marrones de tipu espectral L4, denominaes HD 130948 B y HD 130948 C; la separación ente estes compañeres subestelares ye <= 0,13 segundos d'arcu. El periodu orbital d'esta binaria ye de 9,9 díes y la so masa conxunto 0,109 ± 0,02 mases solares. D'alcuerdu a distintos modelos evolutivos la masa de caúna d'elles sería llixeramente cimera a 0,05 mases solares y tendríen un diámetru en redol al 10% del diámetru solar. Dambos oxetos son bien paecíos, con una temperatura de 2000 K.[11]
Referencies
Wikiwand - on
Seamless Wikipedia browsing. On steroids.