Hulk Hogan

Terry Gene Bollea (11 d'agostu de 1953, Augusta – 24 de xunetu de 2025, Clearwater), conocíu col nome artísticu de Hulk Hogan o Hollywood Hogan, foi un lluchador profesional estauxunidense.

Hulk Hogan
Vida
Nacimientu	Augusta[1], 11 d'agostu de 1953[2]
Nacionalidá	Estaos Xuníos
Residencia	Clearwater
Llingua materna	inglés
Muerte	Clearwater[3], 24 de xunetu de 2025[4] (71 años)
Causa de la muerte	paru cardiorrespiratoriu[5] infartu de miocardiu[6]
Familia
Casáu con	Linda Hogan (en) (1983 – div. 2007)[7] Sky Daily (en) (2023 – m. 2025)[7]
Fíos/es	Brooke Hogan Nick Hogan (en)
Estudios
Estudios	Universidá del Sur de Florida Thomas Richard Robinson High School (en) Hillsborough Community College (en)
Llingües falaes	inglés[8]
Alumnu de	Hiro Matsuda (en)
Oficiu
Oficiu	lluchador profesional, actor, presentador de televisión, actor de voz, cantautor, autobiógrafu, compositor, empresariu, productor musical, actor de cine, actor de televisión, lletrista, guitarrista, productor de cine, raperu, llocutor radiofónicu, productor de televisión, lluchador
Pesu	125 kg
Altor	193 cm
Emplegadores	Total Nonstop Action Wrestling (en)
Premios	ver Wrestling Observer Newsletter Hall of Fame WWE Hall of Fame  (2005) [7] Florida Sports Hall of Fame  (2007) [9]
Seudónimos	Hulk Hogan[10], Hollywood Hogan, Hollywood Hulk Hogan, Mr. America, Sterling Golden, Terry Boulder y The Super Destroyer
Xéneru artísticu	rock
Instrumentu musical	guitarra baxu guitarra voz
IMDb	nm0001356
hulkhogan.com

Trayeutoria

Exerció como comisionáu de la Real American Freestyle y foi embaxador oficial de la marca WWE. Carauterizáu pol so estilu estravagante, el so físicu impresionante, el so pañuelu na cabeza y el so famosu bigote rubiu en forma de ferradura, Hogan ye consideráu una de les figures más reconocíes de la llucha llibre profesional, el deportista más popular nos años 80 y ún de los meyores lluchadores de tolos tiempos.^[11]

Foi protagonista de los principales eventos tanto de la WWF como de la WCW, participando como estrella principal en diverses ediciones de los torneos añales más relevantes: WrestleMania y Starrcade. Ingresó nel Salón de la Fama de la WWE en 2005, anque foi espulsáu temporalmente en 2015 por declaraciones racistes; la empresa rehabilitó la so figura tres años dempués.

Tamién firmó cola Total Nonstop Action Wrestling (TNA), onde trabayó ente 2010 y 2013 como direutor xeneral^[12]. Na WCW foi líder del grupu New World Order (nWo), xunto con Kevin Nash y Scott Hall, unu de los axuntamientos más influyentes na historia d’esa empresa.

Palmarés

Nel planu deportivu, consiguió doce títulos como campeón mundial: seis veces Campeón de la WWF (una d’elles como Campeón Indiscutíu) y seis veces Campeón de la WCW. Tamién llogró un campeonatu per equipos na WWE, formando pareya con Edge^[13]. Foi vencedor del Royal Rumble en 1990 y 1991, siendo’l primeru en ganar dos ediciones consecutives.

Hulk Hogan foi la gran estrella de la llucha llibre nes décades de 1980 y 1990, y protagonizó ocho eventos estelares de WrestleMania, más que cualquier otru lluchador na historia del tornéu. Les ediciones onde foi estrella protagonista fueron: WrestleMania I, WrestleMania II, WrestleMania III, WrestleMania V, WrestleMania VI, WrestleMania VII, WrestleMania VIII y WrestleMania IX.