Imperiu neoasiriu

L'Imperiu neoasiriu (911 e.C.–609 e.C.) foi la última gran etapa del Estáu asiriu y una de les potencies más importantes del Próximu Oriente na Antigüedá. Estendiérase dende Mesopotamia a Eiria, Anatolia, El Líbanu, Palestina y l'Exiptu nororiental, convirtiéndose nel primer imperiu verdaderamente espansivu y centralizáu de la historia antigua.

← Imperiu Asiriu Mediu ← Dinastía XXV d'Exiptu ← Reinu d'Israel ← Imperiu elamita Imperiu neoasiriu (de 911 edC a 609 edC) Media (rexón) → Imperiu neobabilónicu → Dinastía XXVI d'Exiptu →
estáu desapaecíu
Alministración
Capital	Assur (en)
Xeografía

Historia

L'imperiu entamó col reináu d'Adad-nirari II (911 e.C.–891 e.C.), que consolidó'l poder asiriu tres d'una etapa d'escayencia. Los sos socesores, como Asurnasirpal II y Salmaneser III, estendieron el territoriu y crearon una rede d'Alministración basada en gobernadores imperiales.

La verdadera espansión asocedió con Tiglatpileser III (744 e.C.–727 e.C.), qu'impulsó reformes militares y alministratives, conquistó Babilonia, Siria y parte d’Israel, y introdució la deportación masiva de pueblos como mediu de control^[1].

Baxo Asurbanipal (668 e.C.–627 e.C.), l'imperiu llogró’l so apoxéu cultural y militar. Fundó la famosa biblioteca de Nínive, que recoyó miles de tablilles cuneiformes^[2]. Sicasí, tres la so muerte, el poder asiriu desmorónase. Nínive foi destruyida en 612 e.C. por una coalición de medos y babilonios, marcando'l fin del imperiu^[3].

Cultura y sociedá

La relixón asiria yera politeísta, centrada n'Asur, dios nacional. Usábase l'acadiu cuneiforme na documentación oficial, anque l’araméu convirtióse na llingua vehicular del imperiu.

Les ciudaes principales fueron Kalhu (Nimrud), Dur-Sharrukin (Khorsabad) y Nínive, onde s'edificaron palacios monumentales con relieves militares, caños d’agua y xardinos.

Legáu

L'Imperiu neoasiriu sentó precedentes na xestión imperial: calces de comunicación eficientes, organización provincial, repoblaciones forzoses y política de terror. Influyó direutamente nos modelos posteriores del Imperiu aqueménida y otros Estaos del Mediterraneu oriental.