James McAvoy
From Wikipedia, the free encyclopedia
Remove ads
James McAvoy /ˈmækəvɔɪ/ (21 d'abril de 1979, Glasgow) ye un actor escocés de cine y teatru. A lo llargo de la so carrera participó en numberoses películes como'l drama ganador d'un Óscar Atonement, el filme d'aventura y fantasía The Chronicles of Narnia: The Lion, the Witch and the Wardrobe y nel drama The Last King of Scotland, que ta basáu na novela homónima de Giles Foden. Nel 2003 apaeció na miniserie de ciencia ficción Fíos de Dune; nel 2006 tuvo una participación secundaria na comedia romántica Penelope y nel 2007 interpretó'l papel de Thomas Lefroy nel drama románticu Becoming Jane. Tamién desempeñó'l papel protagonista en Wanted, con Angelina Jolie, película d'aición empobinada por Timur Bekmambetov y basada nel cómic homónimu del autor Mark Millar. Tamién foi protagonista na película de 2011 X-Men: First Class como Charles Xavier, papel que repitió nes sos secueles X-Men: Days of Future Past (2014) y X-Men: Apocalipsis (2016).
Remove ads
Biografía
Infancia y mocedá
James McAvoy nació nel distritu históricu de Scotstoun, Escocia.[6] El so padre ye James McAvoy, un constructor, y la so madre ye Elizabeth Johnstone (apellíu de soltera), una enfermera psiquiátrica.[7][8] Los sos padres divorciáronse cuando tenía siete años d'edá, y dende entós vivió colos sos güelos maternos, Mary y James Johnstone nel área de Drumchapel en Glasgow.[8] La so madre vivió con él por periodos intermitentes y dende la so mocedá nun tuvo contautu col so padre.[9] Estudió na secundaria St. Thomas Aquinas Secondary School en Jordanhill, Glasgow, un colexu católicu, y por un tiempu consideró la idea de ser sacerdote.[10][11] Tuvo nel PACE Youth Theatre por más de seis años,[12] entrenáu por Mhari Gilbert, y graduóse de la Royal Scottish Academy of Music and Drama en 2000. La so hermana, Joy McAvoy, ye cantante.
Carrera
N'interpretando a Dan na aclamada serie de Paul Abbot State of Play, en 2003 fixo'l papel de Leto II na miniserie de ciencia-ficción Los Fíos de Dune. Esi mesmu añu protagonizó Bright Young Things, el debú como direutor de Stephen Fry, y en 2004 pol so papel na serie Shameless recibió una nominación como meyor actor novel nos British Comedy Awards.
Na película «Baillo Per Dientro», ganadora del premiu del públicu nel Festival de Cine d'Edimburgu, James McAvoy interpretó a Rory O’Shea, un mozu irlandés con distrofia muscular, papel que-y valió una nominación como meyor actor británicu del London Film Critics Circle.
Tamién participó en Wimbledon, xunto a Kirsten Dunst y Paul Bettany, y na película de fantasía The Chronicles of Narnia: The Lion, the Witch and the Wardrobe, como'l faunu Tumnus, pola que James McAvoy foi nomáu como meyor actor británicu pol London Film Critics Circle y como meyor actor novel nos Premios Empire en 2006. Esi mesmu añu ganó'l Premiu Orange a la estrella emerxente nos BAFTA y l'Elle Style Award como meyor actor de televisión.
Ente los sos papeles de 2006 atópense The Last King of Scotland, con Gillian Anderson, qu'abrió'l cincuentenu Festival de Cine de Londres, y la comedia romántica Starter for Ten. Tamién, actuó xunto a Cristina Ricci, na comedia romántica: «Penelope», que cuntó cola actuación, de la mesma producción de Reese Witherspoon. Nel 2007, actuó xunto a Anne Hathaway na película, Becoming Jane, basada na vida de la escritora Jane Austen. Darréu, protagonizó xunto a Keira Knightley Atonement, dirixida por Joe Wright y basada na novela homónima d'Ian McEwan tocante al amor, perdón, y l'arrepentimientu metanes la II Guerra Mundial. Tres les escelentes crítiques foi nomada al Lleón d'Oru nel Festival de Venecia, n'avientu de 2007, y James recibió la so primer nominación al Golden Globe como Meyor actor dramáticu. Nel 2008 apaeció en Wanted xunto a Morgan Freeman y Angelina Jolie. En 2011 protagonizó la precuela de la saga de X-Men, nel papel de Charles Xavier / Profesor X, xunto a Michael Fassbender qu'interpretó a Erik Lehnsherr / Magneto roles que repetieron en X-Men: Days of Future Past, y X-Men: Apocalypse secueles de la mesma qu'estrenáronse'l 22 de mayu de 2014 y el 20 de mayu de 2016 .
Remove ads
Vida privada
McAvoy caltuvo una rellación amorosa con Emma Neilson dende los 16 años hasta l'añu 2003.[13] A los 27, casóse cola so coestrella de la serie Shameless, Anne-Marie Duff, que daquella tenía 35 años. La boda celebróse n'ochobre de 2006, y la pareya vivió en Crouch End, Londres.[14] El 26 de xineru de 2010 anunciaron que Duff taba embarazada del so primer fíu y el 16 de xunu dieron la noticia de que'l neñu naciera a principios de branu.[15][16] El 13 de mayu de 2016 McAvoy anunció nun comunicáu'l divorciu ente él y Anne-Marie Duff.[17]
Dende los 11 años, présta-y la ciencia ficción, afición qu'empezó al traviés de la novela de fantasía épica El Señor de los Aniellos.[18] Ye almirador del Celtic Football Club y manifestó qu'unu de los sos suaños sería interpretar a Jimmy Johnstone, una de les lleendes futbolístiques del equipu.[19][20] Considérase una persona espiritual pero nun ye un católicu prauticante.[21] McAvoy asegura que la so participación en Wanted foi novedosa, una y bones él refuga, en cierta forma, la violencia.
Remove ads
Filmografía
Películes
Series de televisión
Remove ads
Premios
Globos d'Oru
BAFTA
Referencies
Enllaces esternos
Wikiwand - on
Seamless Wikipedia browsing. On steroids.
Remove ads