Jean-Jacques Annaud
From Wikipedia, the free encyclopedia
Remove ads
Jean-Jacques Annaud (1 d'ochobre de 1943, Juvisy-sur-Orge) ye un productor de cine, direutor de cine, guionista, actor de cine y realizador francés. La so primer película, Negros y blancos en color, ganó'l premiu Óscar de l'Academia de Hollywood como Meyor película estranxera en 1976.[6]
Remove ads
Biografía
Primeros años
Jean-Jacques Annaud nació'l 1 d'ochobre de 1943 en Juvisy-sur-Orge, Essonne, Francia. Estudió na escuela téunica de Vaugirard, y en 1964 en cursando estudios nel IDHEC, entamó nel mundu del cine cola publicidá.
Carrera
Llogró l'Óscar a la meyor película en fala non inglesa en 1976 pol so primer llargumetraxe, La victoria en chantant o Negros y blancos en color (La Victoire en chantant, depués reestrenada como Noirs et blancs en couleur), pero non pol so país natal sinón por Costa de Marfil.[7] Encargar a Jean-Jacques Annaud la direición de La cabezada (Coup de tête), qu'escribe Francis Veber ya interpreta Patrick Dewaere.
Dedicóse a proyeutos bien caros y ambiciosos, como La Guerre du feu (1981) y L'osu (L'Ours, 1988) nos que demuestra maestría téunica. La so consagración comercial débese a l'adautación de la novela d'Umberto Eco El nome de la rosa, película que combina acertadamente problemes filosóficos y morales, y thriller. Cuntó con un cartelu de lluxu: Sean Connery, Christian Slater y F. Murray Abraham. Esti ésitu déxa-y encetar la superproducción erótica L'amante, adautación del llibru de Marguerite Duras (1992).
N'ochobre de 2007 estrena una superproducción europea: La so maxestá Minor, que les sos tomes tán rodaes nes olivares de Benichembla (provincia d'Alicante) y n'El Racó del Conill de La Vila Joiosa.
A pesar de que non siempres ye bien tratáu pola prensa, Annaud tien fama de perfeicionista y de téunicu destacáu, lo que ye ciertu, una y bones él encárgase de revisar toes y caúna de les etapes d'ellaboración de les películes y, inclusive, de la so adautación a DVD.
Remove ads
Filmografía
- 1976: La victoria en chantant o Negros y blancos en color (La Victoire en chantant o Noirs et blancs en couleur o Black and White in color)
- 1978: La cabezada (Coup de tête)
- 1981: La guerra del fueu o En busca del fueu (La Guerre du feu)[8]
- 1986: El nome de la rosa (Der Name der Rose o Le Nom de la rose o Il nome della rosa o The Name of the Rose)
- 1988: L'osu (L’Ours o The Bear)
- 1991: L'amante (L’Amant)
- 1995: Les ales del coraxe (Guillaumet, Les ailes du courage o Wings of courage),[9] primer película de ficción qu'usó'l sistema IMAX.
- 1997: Siete años nel Tibet (Sept ans au Tibet o Seven Years in Tibet)
- 2001: Enemy at the Gates (Stalingrad o Enemy at the Gates)
- 2004: Dos hermanos (Deux frères o Two brothers)[10]
- 2006: La so maxestá Minor (Sa Majesté Minor)[11]
- 2011: Oru negro (Or Noir o Day of the Falcon o Black Gold)[12]
- 2015: El postreru llobu (Le Dernier Loup o Wolf Totem)[13]
Remove ads
Premios y nominaciones
Premiu Óscar
Premiu César
Referencies
Enllaces esternos
Wikiwand - on
Seamless Wikipedia browsing. On steroids.
Remove ads