Lambda Tauri
From Wikipedia, the free encyclopedia
Remove ads
Coordenaes: 
4h 0m 40.816s, 12° 29′ 25.226″
Lambda Tauri (λ Tau / 35 Tauri / HD 25204 / HR 1239)[10] ye una estrella variable de la constelación de Tauru de magnitú aparente +3,41. Alcuéntrase a unos 370 años lluz de distancia del Sistema Solar.
Lambda Tauri ye una binaria eclipsante formada por una estrella azul de tipu espectral B3V y una subxigante blanca de tipu A4IV. Atópense bien próximes, apenes separaes 0,10 UA —un 27% de la distancia ente Mercuriu y el Sol—, y el so planu orbital ta casi na llinia de visión. La estrella blanca ye 95 vegaes más lluminosa que'l Sol ente que la estrella azul ye 4000 vegaes más lluminosa que'l Sol. El sistema tien una edá averada de 100 millones d'años.[11]
Al ser menos lluminosa la estrella blanca que l'azul, cuando la primer pasa per delantre de la segunda, el rellumu de Lambda Tauri baxa a magnitú +4,1. Ello asocede cada 3,95 díes, que correspuende al periodu orbital del sistema, y l'eclís dura 1,1 díes de principiu a fin. Nel eclís secundariu (el pasu de la estrella azul per delantre de la estrella blanca) la variación del rellumu ye namái una tercer parte de la del eclís principal. Amás, la proximidá ente dambes estrelles fai que les fuercies de marea aburuyen la forma de les estrelles, polo que tamién el rellumu varia cuando nun hai eclises, en función de la seición de la estrella que ye visible. Hai cierta evidencia de que puede esistir tresferencia de masa ente les dos estrelles.[11]
Una tercer estrella, entá ensin confirmar, podría completar el sistema estelar. De masa similar al Sol, orbitaría alredor del par interior a una distancia de 0,4 UA, siendo'l so periodu orbital de 33 díes.[11]
Remove ads
Referencies
Wikiwand - on
Seamless Wikipedia browsing. On steroids.
Remove ads