Linus Torvalds
From Wikipedia, the free encyclopedia
Remove ads
Linus Benedict Torvalds (28 d'avientu de 1969, Ḥélsinki) ye un inxenieru de software finlandeso-norteamericanu,[11] conocíu por aniciar y mantener el desendolcu del kernel (nucleu n'asturianu) de Linux, basándose nel sistema operativu llibre Minix creáu por Andrew S. Tanenbaum y en dalgunes ferramientes, delles utilidaes y los compiladores desarrollaos pol proyeutu GNU. Actualmente ye'l responsable de la coordinación del proyeutu.
_(cropped).jpeg)
Remove ads
Remove ads
Biografía
Naz en Ḥélsinki, Finlandia, dientro d'una familia de la minoría suecofalante del país.. Los sos padres tomaron el nome de Linus Pauling (estounidense, Premiu Nobel de Química en 1954). El so primer contautu cola informática foi a los 11 años cuando'l so güelu, un matemáticu y estadísticu de la Universidó, compró unu de los primeros microordenadores Commodore en 1980 y pidió-y ayuda pa usalu.[12]
A finales de los años 80 tomó contautu colos ordenadores IBM, PC y en 1991 mercó un ordenador con procesador modelu 80386 d'Intel.
En 1988 entró na Universidá de Ḥélsinki, onde estudió Ciencies de la Computación. Esi mesmu añu, el profesor Andrew S. Tanenbaum asoleya'l S.O. Minix con propósitos didácticos. Dos años después, en 1990, Torvalds empieza a aprender el llinguaxe de programación C na universidá.
A finales de 1996 recibió una ufierta de trabayu de Transmeta Corporation qu'aceutó darréu, treslladándose a Santa Clara, California cola so muyer Tove y la so primera fía (la familia tendría dos fíes más yá nos EE.XX.) En 2003 dexó Transmeta pa trabayar en Open Source Development Labs, que tres xunise con the Free Standards Group, convirtióse'n the Linux Foundation, onde sigue trabayando. En xunu de 2004, Torvalds y la so familia mudáronse a Dunthorpe, Oregon,[13] pa tar más cerca de la oficina central de la OSDL en Beaverton, Oregon.
La so importancia pa la informática actual ye pergrande pues ye'l creador del nucleu del sistema operativu GNU/Linux y güei en día ye'l coordinador del proyeutu internacional de desendolcu del kernel de GNU/Linux. Pa facer Linux tresformó una versión mini d'UNIX pal emplegu n'ordenadores domésticos. Amás apurrió pal Linux, inclusive la so mascota personal, un pingüín perconocíu nomáu Tux, que se convirtió nel logotipu del sistema operativu.
La llei de Linus ye un principiu del software llibre inspirada por Torvalds y asoleyada por Eric S. Raimond y diz: "So la güeyada abonda, tolos errores de programación son superficiales". Si qu'asina, a la escontra de munchos componentes del software llibre la so actitú pa colos sistemes operativos propietarios foi siempre de respetu y discreición.
Remove ads
Ver tamién
- Códigu fonte
- Lawrence Lessig, fundador de la iniciativa Creative Commons
- Llei de Linus
- Bruce Perens, conocíu primeramente por ser el líder de la distribución Debian GNU/Linux y entá más por ser l'autor primariu de la definición de códigu (fonte) abiertu diferenciándose, pero basándose enforma, na GPL.
- Eric S. Raymond, autor de dellos llibros, la catedral y el bazar, The Art of Unix programming conocíu pol sofitu al usu del términu Códigu [fonte] abiertu
- Richard Stallman, ideólogu principal del proyeutu GNU.
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads