Locustella luscinioides
especie de páxaru From Wikipedia, the free encyclopedia
Remove ads
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
La chicharra les cañaveres[2] (Locustella luscinioides) ye una especie d'ave paseriforme de la familia Sylviidae. Ye mesma d'Europa y África.
Remove ads
Descripción
Ye d'aspeutu similar al ruiseñor bastardu (Cettia cetti) y al carricero común (Acrocephalus scirpaceus).[3] Tien el plumaxe de color pardu pela parte cimera, siendo más claru pola inferior; cola d'aspeutu fuerte, picu pardu y pates pardu oliva.[3] Los exemplares inmaduros son más escuros nel envés y na parte inferior más acolorataos que los adultos.[4] Mide ente 13 y 14 cm y tien un valumbu de 18 a 21 cm. El so cantar ye un runfíu como d'inseutu,[5] paecencia al de la buscala pintoja (Locustella naevia), anque ye más rápidu y de tonu más baxu.[6]
Remove ads
Distribución
Ye una especie migratoria de llarga distancia. Nidifica n'Europa del este y nes rexones del mar Negru y Mar Caspiu. N'Europa occidental la so distribución ye fragmentaria, con poblaciones aisllaes. Envierna n'África.
N'España nidifica pel branu nel este y sur de la península Ibérica y en güelgues del interior. Nel norte cría escasamente y en Baleares ye pocu común.
Comportamientu
Reproducción
La dómina de cría tien llugar d'abril a agostu, con de 4 a 6 güevos blancos con puntos marrones en 1 o 2 puestes.[5] El machu constrúi'l nial, ayudáu pola fema, davezu a solo unos 30 cm percima del nivel de l'agua, y alcuéntrase bien ocultu y protexíu de l'agua con ramines.[4] La fema ye la única que guara los güevos, siendo alimentada pol machu.[4]
Alimentación
La so alimentación compónse d'inseutos, efemerópteros, dípteros, arañes y canesbes de caparines.
Subespecies
Reconócense les siguientes subespecies:[7]
- Locustella luscinioides luscinioides
- Locustella luscinioides sarmatica
- Locustella luscinioides fusca
Referencies
Enllaces esternos
Wikiwand - on
Seamless Wikipedia browsing. On steroids.
Remove ads