Matthew Fox
actor d'Estaos Xuníos From Wikipedia, the free encyclopedia
Remove ads
Matthew Chandler Fox (14 de xunetu de 1966, Conceyu d'Abington) ye un actor y exmodelu d'Estaos Xuníos. El so primer papel protagonista foi'l de Charlie Salinger en Party of Five nos años 1990, xunto a Scott Wolf y Nieve Campbell; pero saltó a la fama por interpretar al doctor Jack Shephard na serie d'ABC Lost[1].
.jpg)
Remove ads
Biografía
Primeros años
Empezó los sos estudios na Deerfield Academy en Massachusetts acompañáu del so meyor amigu Jair Almar, dende onde pasó a la universidá de Columbia, na que destacó como xugador de fútbol americanu mientres estudiaba Económiques nun intentu de terminar trabayando en Wall Street. Graduóse na Universidá de Columbia como llicenciáu en Ciencies Económiques en 1989. El destín quixo que la madre de la so novia, que rexentaba una axencia de modelos, lu convenciera pa trabayar como modelu, empezando asina a facer anuncios pa televisión nos que llueu empezó a demostrar les sos capacidaes dramátiques. Estudió actuación mientres dos años na Escuela de Cine y Televisión en Nueva York.
Fox, escoyíu pola revista People como una de les persones más formoses del mundu, diose a conocer n'Estaos Xuníos pol so papel na serie d'ésitu Cinco en familia (Party of Five)[2], ganadora del Globu d'Oru en 1996 a la meyor serie dramática. Otros trabayos de so destacaos son el so papel protagonista na serie Haunted y el telefilme Behind the Mask. Tamién participó en películes como Vantage Point (Nel puntu de mira ) y Speed Racer, en 2008.
N'agostu de 2010 Fox viaxó a la India como voluntariu nun proyeutu solidariu llamáu Operación Smile (Operación sorrisa), misión médica que s'encarga d'ayudar a cientos de neños que nacen con llabiu leporín y cielu la boca fendíu, onde sostuvo bebes y xugó colos neños mientres se preparaben pa la ciruxía, tamién reparó y ayudó nes ciruxíes. N'agostu de 2011 empezó la grabación de dos películes World War Z[3], dirixida por Marc Foster y I, Alex Cross empobinada por Rob Cohen, basada na novela de James Patterson Cross.
En xineru de 2012 empezó la filmación del so primer rol protagonista en Emperor, cola direición del Británicu Peter Webber con estrenu axustáu pa fin d'añu. El filme ta basáu nuna historia real desenvuelta nos díes posteriores a la Segunda Guerra Mundial. Con estrenu previstu pa 2014, anguaño participa nel rodaxe de la película Extinction,[4] con direición al cargu de Miguel Ángel Vives, nuna adautación de la novela Y magar tou («Y pese a todo») obra del escritor español Juan de Dios Garduño.
Remove ads
Filmografía
| 2002 | Haunted | Frank Taylor | Serie de televisión - 2002 |
| 1995 | Party of Five | Charlie Salinger | Serie de televisión - 1994 - 2000 |
| 2004 | Lost[1] | Jack Shephard | Serie de televisión - 2004 - 2010 |
| 2007 | We Are Marshall | Red Dawson | |
| 2007 | Smokin' Aces | Super Security Bill | Caméu |
| 2008 | Vantage Point | Kent Taylor | |
| Speed Racer | Racer X | ||
| 2012 | Alex Cross | ||
| 2013 | Emperor | Gral Fellers | |
| 2013 | World War Z | Paracaidista | |
| 2014 | In from Outside | James | |
| 2015 | Extinction | Patrick | |
Remove ads
Reconocencies
Referencies
Enllaces esternos
Wikiwand - on
Seamless Wikipedia browsing. On steroids.
Remove ads