Mirach
From Wikipedia, the free encyclopedia
Remove ads
Coordenaes: 
1h 9m 43.924s, 35° 37′ 14.008″
Mirach (β Andromedae / β And / 43 Andromedae)[11] ye la segunda estrella más brillosa de la constelación d'Andrómeda, dempués d'Alpheratz (α Andromedae), con una magnitú aparente media de +2,07. Alcuéntrase a 199 años lluz de distancia del Sistema Solar.
Remove ads
Nome
El nome de Mirach, según les sos formes derivaes Merach, Mirac, Mirak y Mirar, provienen del árabe المراق al-maraqq, que'l so significáu ye «los llombos». Esta estrella describióse en 1521 nes Tables alfonsíes como super mirat, d'onde procede la so denominación actual.[12]
Otros nomes menos avezaos pa designar a esta estrella fueron Cingulum y Ventrale, esti postreru pola posición que d'antiguo ocupaba na constelación. Na astronomía árabe tardida señalaba'l llau derechu d'Andrómeda, siendo conocida como Al Janb al Musalsalah, «el llau de la Muyer Encadenada».[12]
Dellos autores incluyeron a Mirach, xunto a υ Piscium, φ Piscium y χ Piscium, na estación llunar copta Kuton, «el filo»; ya igualmente en Arit, un asterismu del antiguu Exiptu.[13]
Remove ads
Carauterístiques físiques
Mirach ye una xigante colorada de tipu espectral M0III con una temperatura superficial de 3800 K y un radiu 86 vegaes más grande que'l radiu solar. Ye 1900 vegaes más lluminosa que'l Sol, incluyendo una importante cantidá d'enerxía emitida como radiación infrarroxo. Como otres estrelles de la so clase, ye llixeramente variable, magar la so variación nun ta bien estudiada; el so rellumu varia ente magnitú +2,01 y +2,10. Con una masa envalorada ente 3 y 4 mases solares, nun ta lloñe del so final como nana blanca.[14]
Mirach tien una tenue acompañante de magnitú 14, 60.000 vegaes menos lluminosa que la estrella principal. Dambes tán dixebraes siquier 1700 UA.[14]
Remove ads
Referencies
Wikiwand - on
Seamless Wikipedia browsing. On steroids.
Remove ads