Mu2 Octantis
From Wikipedia, the free encyclopedia
Remove ads
Coordenaes: 
20h 41m 44.1s, -75° 21′ 2.902″
Mu2 Octantis (μ2 Oct) ye una estrella binaria asitiada na constelación austral d'Octans, el octante.[3] Comparte la denominación «Mu» con Mu1 Octantis, de la que ta dixebrada visualmente 50 minutos d'arcu. En 2011 afayóse un planeta estrasolar orbitando alredor d'una de les componentes d'esti sistema estelar.[4]
Remove ads
Componentes
Les dos componentes de Mu2 Octantis son nanes marielles. La estrella principal, HD 196067 (HR 7864 / HIP 102125), tien magnitú aparente +6,48. El so tipu espectral ye G0V[5] y tien una temperatura efectivo de 5847 K. Xira sobre sigo mesma con una velocidá de rotación proyeutada —llende inferior de la mesma— de 4 km/s y tien una masa de 1,4 mases solares.[6] Pela so parte, la estrella secundaria, HD 196068 (HIP 102128),[7] tien magnitú aparente +7,15. El so tipu espectral ye G1V y tien una temperatura daqué menor de 5768 K. Xira sobre sigo mesma con una velocidá de rotación proyeutada de 3 km/s.
La metalicidá d'esti sistema, datu estrechamente rellacionáu cola presencia de sistemes planetarios, ye superior a la solar, ([Fe/H] ≈ +0,20).[8] El sistema paez ser daqué más antiguu que'l Sol con una edá averada de 5000 millones d'años.[6]
Visualmente dambes estrelles tán dixebraes ente sí 17 segundos d'arcu, lo que correspuende a una separación proyeutada de 750 UA. Alcuéntrase a 144 años lluz de distancia del Sistema Solar.
Remove ads
Sistema planetariu
En 2011, utilizando'l espectrógrafu HARPS instaláu nel Observatoriu de La Silla (Chile), foi afayáu un planeta estrasolar en redol a HD 196067, la estrella primaria del sistema. Denomináu HD 196067 b, tien una masa mínimo 7,1 vegaes mayor que la de Xúpiter. El so periodu orbital ye de 4100 díes, siendo la órbita marcadamente escéntrica (ε = 0,63).[4][9]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads