NGC 2359
From Wikipedia, the free encyclopedia
Remove ads
NGC 2359 ye una nebulosa d'emisión na constelación de Canis Major asitiada a daqué más de 8 graos de Siriu (α Canis Majoris). El so inusual forma, asemeyada al cascu d'un guerreru viquingu, llevó a que sía conocida tamién como Nebulosa del Cascu de Thor. Puede ser reparada, en cielos escuros, con telescopios pequeños a 47x cola ayuda de filtros del tipu Osíxenu III.
La estrella que s'atopa nel interior de la burbuya, denomada WR 7 (HD 56925), tien magnitú aparente 11,5. Ye una estrella de Wolf-Rayet y ye la fonte qu'alluma esta nebulosa de Wolf-Rayet. La nebulosidad ye la resultancia de la interaición ente'l vientu estelar procedente de la caliente estrella y la materia interestelar. El vientu estrúi la materia interestelar produciéndose una burbuya de gas en redol a la estrella. La masa de la burbuya envalórase nunes 20 mases solares.[1] Anque de naturaleza similar a la Nebulosa Burbuya (NGC 7635), la interaición con una nube molecular vecina paez contribuyir a moldiar la complexa forma de la nebulosa.[2]
Remove ads
Ver tamién
Enllaces esternos
Referencies
Wikiwand - on
Seamless Wikipedia browsing. On steroids.
Remove ads