Ni2 Canis Majoris
From Wikipedia, the free encyclopedia
Remove ads
Coordenaes: 
6h 36m 41.038s, -19° 15′ 21.169″
Ni2 Canis Majoris o Nu2 Canis Majoris (ν2 CMa / 7 Canis Majoris / 7 CMa)[9] ye una estrella na constelación del Can Mayor de magnitú aparente +4,53. Ensin nome propiu habitual, en astronomía china ye conocida como 雞 (Yějī), que'l so significáu ye'l Gallu Selvaxe», yá que marca'l asterismu del mesmu nome.[10] Comparte la denominación de Bayer «Ni» con ν1 Canis Majoris y ν³ Canis Majoris, magar nun esiste rellación física ente elles; ente que Ni2 Canis Majoris alcuéntrase a 65 años lluz del Sistema Solar, les otres dos estrelles tán considerablemente más alloñaes.
Remove ads
Carauterístiques
Enantes catalogada como xigante naranxa,[11] güei considérase a Ni2 Canis Majoris una subxigante de tipu espectral K1IV.[9] Tien una temperatura efectivo d'aproximao 4750 K y una metalicidá más elevada que la del Sol ([Fe/H] = +0,18).[12] Tocantes al so tamañu, el so diámetru calculáu a partir del so metalicidá, temperatura efectivo y magnitú absoluta— ye 5,1 vegaes más grande que'l del Sol;[12] la midida direuta del so diámetru angular considerando'l escurecimientu de llimbu, 2,44 milisegundos d'arcu,[13] conduz a un tamañu daqué mayor de 6,8 diámetros solares.
Ni2 Canis Majoris rota amodo, con una velocidá de rotación proyeutada de 1,15 km/s.[14] Tien una masa averada de 1,3 mases solares y la so edá envalórase en 4170 ± 1320 millones d'años.[12]
Remove ads
Sistema planetariu
En 2011 anuncióse'l descubrimientu d'un planeta estrasolar n'órbita alredor de Ni2 Canis Majoris. Denomináu 7 Canis Majoris b, ye un planeta xigante que'l so periodu orbital ye de 763 ± 17 díes (2,1 años). Tien una masa mínimo equivalente a 2,6 vegaes la masa de Xúpiter.[15][16]
Remove ads
Referencies
Wikiwand - on
Seamless Wikipedia browsing. On steroids.
Remove ads