Oriol Junqueras
From Wikipedia, the free encyclopedia
Remove ads
Oriol Junqueras i Vies (11 d'abril de 1969, San Andrés de Palomar (es) 
) ye un políticu español, actual presidente d'Esquerra Republicana de Catalunya y vicepresidente de la Xeneralidá de Cataluña. Ye llicenciáu n'Historia, con especialidá n'Historia Moderna y Contemporánea, y doctor n'Historia del Pensamientu Económicu pola UAB.
.jpg)
.svg){kind=link}
Dende'l 7 de setiembre de 2017 ta siendo investigáu pola Fiscalía del Tribunal Cimeru de Xusticia de Cataluña por presuntos delitos de prevaricación, desobediencia al Tribunal Constitucional y malversación de caudales públicos, en roblando'l Decretu autonómicu pa convocar un referendu d'autodeterminación illegal.[10][11] El 8 de setiembre, la Fiscalía esixía fianza pa garantizar los gastos que pueda causar al erariu públicu, que cifra en 6,2 millones d'euros.[12]
Oriol Junqueras i Vies defende'l "derechu a votar pola autodeterminación del pueblu catalán".[13] Junqueras: “Nun arrenunciaríamos a dereches a votar anque quixéramos”.[14] Derechu anguaño en diferendo[15] ente'l gobiernu central y el gobiernu autonómicu. El so discursu contempla La diferencia de Jean-François Lyotard,[16] la separación ente dos órdenes o planos, el deséu del pueblu de tresformar la so realidá. "Los rellatos que se cunten pa xustificar un grupu de lleis son intrínsecamente inxustos", Jean-François Lyotard.
Esquerra Republicana de Catalunya, partíu que lidera, alcuéntrase nes encuestes como preferíu del votu catalanista con un ampliu espectru de sofitu social.[17] Pa los sos afiliaos y voceros republicanos, la clave ta na llucha cívico y pacífico[18] como ferramienta de cambéu d'un sistema monárquicu qu'ellos nun votaron.[19]
Remove ads
Biografía
Política
Ye unu de los promotores de la plataforma cívica de sofitu al independentismu, Sobirania i Progrés. Tamién foi conceyal independiente, escoyíu nes llistes d'Esquerra Republicana de Catalunya del conceyu barcelonés de Sant Vicenç dels Horts.[20] En xunu de 2011 foi escoyíu alcalde de dicha población, al mandu de una coalición integrada por Junts per Sant Vicenç-ERC-AM, ICV-EUiA y CiU, que desbancó a la llista más votada, la del PSC. Pronuncióse públicamente en contra del estatutu d'autonomía de Cataluña de 2006 y de la Constitución Europea.[21] Junqueras afirmó que'l referendu del 1-O en Cataluña ye una oportunidá pa "tresformar España".[22]
El 26 de xineru de 2009, la executiva d'el so partíu ratificó la so candidatura como cabeza de llista del partíu pa les eleiciones europees de xunu de 2009 y foi finalmente electu,[20] al mandu de la candidatura Europa de los Pueblos Verdes. Arrenunció en xineru de 2012 pa dexar l'escañu a Ana Miranda, representante del BNG. El 17 de setiembre de 2011 foi escoyíu presidente de Esquerra Republicana de Catalunya.
Tesis doctoral
La so tesis doctoral (2002) ye Economia i pensament econòmic a la Catalunya de l'Alta Edat Moderna (1520-1630) —Economía y pensamientu económicu na Cataluña de l'Alta Edá Moderna (1520-1630)—[23] y analizaba la nacencia del pensamientu económicu modernu en Cataluña, estableciendo paralelismos colos pensamientos inglés y castellán de les primeres décades del sieglu XVII.
Profesor universitariu
Anguaño ye profesor acomuñáu al departamentu d'Historia Moderna y Contemporánea de la UAB.
Radio y televisión
Collaboró en programes como En Guàrdia y El nas de Cleòpatra, de Catalunya Ràdio, en Minoría absoluta y El Món, de RAC 1 y en El favorit de TV3.[24] Tamién trabayó como guionista y asesor en series documentales de televisión, como Els Maquis, La guerra callada o Conviure amb el risc.[24] El 22 de setiembre de 2011 fixo una apaición en Polònia, serie d'humor político de TV3.
Llibros
Ye autor de numberosos llibros, como por casu, Els catalans i Cuba, La batalla de l'Ebre, Manel Girona, el Banc de Barcelona i la Canal d'Urgell, Guerres dels catalans o Centres i perifèries: Catalunya, Espanya, Cuba.[24]
Diariu dixital
Dende'l 16 d'abril de 2008, xusto un añu dempués de que s'estrenara na rede'l diariu dixital Direute!cat, tomó'l relevu de Joan Camp na direición de dichu mediu electrónicu.
Catolicismu
Declárase católicu que va a misa "cuando puede". Defendió que s'emitan mises na televisión pública.[25][26]
Remove ads
Bibliografía
- Nagel, Klaus-Jürgen (2015). En: Ferran Requejo y Klaus-Jürgen Nagel (Eds.). «Religion and the political accommodation of Catalonia. A non relation?». Politics of religion and nationalism: federalism, consociationalism and seccession (Routledge): páxs. 194-210. ISBN 978-1-138-02414-4. https://books.google.es/books?id=cGrfBQAAQBAJ.
Referencies
Enllaces esternos
Wikiwand - on
Seamless Wikipedia browsing. On steroids.
Remove ads