Peter Dinklage
actor estauxunidense From Wikipedia, the free encyclopedia
Remove ads
Peter Hayden Dinklage[5] (11 de xunu de 1969, Morristown) ye un actor de cine, televisión y teatru d'Estaos Xuníos. Anque'l so papel más conocíu hasta la fecha ye'l de Tyrion Lannister na serie Game of Thrones (HBO), que valió-y dos Emmy y un Globu d'Oru, Dinklage participó en proyeutos como la independiente The Station Agent (2003), Elf (2003), Find Me Guilty (2006), Underdog (2007), Death at funeral (2007) y el so remake de 2010 o The Chronicles of Narnia: Prince Caspian (2008). L'actor ta casáu con Erica Schmidt, cola que ye padre d'una neña.
Remove ads
Biografía
Primeros años
Peter Dinklage, que nació en Morristown (Nueva Jersey) y crióse en Mendham Township (Nueva Jersey), ye fíu d'una profesora de música llamada Diane y un vendedor de seguros llamáu John Carl Dinklage.[6][7] En 1987, con dieciocho años, graduar na escuela Delbarton, na so ciudá natal, llugar onde empezó a actuar y cuatro años dempués graduóse nel Bennington College (Vermont).[8]
Carrera profesional
El papel que definitivamente llanzó la carrera de Dinklage foi na gallardoniada The Station Agent (2003), onde fixo'l papel del protagonista.[9] Por dichu papel recibió nominaciones como Meyor actor nos Independent Spirit Awards y Screen Actors Guild Awards. Esi mesmu añu, participó en Tiptoes, estrenada direutamente en DVD, xunto a Gary Oldman. Años enantes, destacara nel so rol debú en Living in Oblivion (1995) onde fai'l papel de Tito, un desganáu actor de cine independiente que cuestiona'l trabayu del direutor de la película. Amás de la so carrera nel cine, trabayó delles vegaes en producciones teatrales off-Broadway, onde la so estatura ye menor torga qu'en Hollywood.[10]
En Elf, Dinklage interpreta a un pretencioso escritor de cuentos infantiles que cute al personaxe de Will Ferrell dempués de ser faltáu por fuercia. En 2005, protagonizó la serie de ciencia ficción Threshold y trabayó na comedia The Baxter como un estravagante organizador de bodes. En 2006, actuó nel drama xudicial de Sidney Lumet, Find Me Guilty, xunto a Vin Diesel. Tamién fixo de sigo mesmu nun episodiu de la serie de HBO Entourage y tuvo un papel en 30 Rock.
Dinklage tuvo un papel na película británica de 2007, Death at a Funeral. Interpreta'l mesmu papel na remake estauxunidense del mesmu nome estrenada en 2010. Tamién en 2007, interpretó al villanu Simon Bar Sinister en Underdog.
Foi escoyíu pol direutor Andrew Adamson pal papel de Trumpkin na película The Chronicles of Narnia: Prince Caspian (2008).[11] El críticu de cine Bill Gibron describió'l papel como un "estereotipu cursi que Dinklage trató d'evitar".[12] La escritora de cómics, Gail Simone, citó a Dinklage como la eleición perfecta pa interpretar al malváu Doctor Psycho nuna posible adautación filmica de la Wonder Woman.
El 14 de febreru de 2013, el direutor de cine Bryan Singer anunció al traviés de la so cuenta de Twitter la incorporación de Peter Dinklage a X-Men: Days of Future Past[13] papel d'antagonista principal como Bolivar Trask.[14][15]
Game of Thrones, la serie
En 2009, Dinklage foi confirmáu pa interpretar a Tyrion Lannister na serie que preparaba la cadena HBO de la heptalogía más conocida de George R. R. Martin: Cantar de xelu y fueu.[16] La serie de televisión foi estrenada en 2011 y la so actuación recibió escelentes crítiques.
«Si Dinklage nun gana un Emmy pol so intelixente y descortés Tyrion Lannister, quedaré patitieso»[17]
«Si esti home nun gana un Emmy, tienen de rodar cabeces».[18]
Finalmente, esi mesmu añu, Dinklage consiguió'l Emmy como meyor actor de repartu y un añu más tarde fadríase con un Globu d'Oru pol mesmu papel.[19]
Vida privada
Dinklage ye d'ascendencia alemana y irlandesa.[20] En 2005, casóse con Erica Schmidt, una direutora de teatru. En 2011 nació la so primer fía, de la cual nun trescendió'l nome, anque hai una versión que diz que se llama Zelig[21] . Amás, ye veganu.[22]
«Gústenme los animales, tolos animales. Nun mancaría un gatu o un perru nin Vaques, nin a una pita nin a una vaca. Y nun-y pidiría a daquién más que los manque por mi. Esa ye la razón pola cual soi veganu.».[23]Peter Dinklage nuna entrevista
Estatura
Dinklage nació con acondroplasia, la causa más habitual de nanismu. El so altor ye de 1,35 m (4'5").
«Cuando yera nuevu, definitivamente, eso afectábame. Como adolescente, amargábame y enoxaba. Pero al avieyar, te das cuenta que solo tienes que tener sentíu del humor. Sabes que nun ye'l to problema, ye d'ellos».[10]Peter Dinklage
Remove ads
Filmografía
Cine
Televisión:
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads