RS Canum Venaticorum
estrella From Wikipedia, the free encyclopedia
Remove ads
Coordenaes: 
13h 10m 36.908s, 35° 56′ 5.588″
RS Canum Venaticorum (RS CVn)[7] ye una estrella variable na constelación de Canes Venatici (los perros de caza). Ye l'arquetipu d'una clase de variables con cromosferes actives que lleven el so nome, les variables RS Canum Venaticorum.
Remove ads
Carauterístiques
De magnitú aparente media ye +8,22, RS Canum Venaticorum ta asitiada a 460 años lluz del Sistema Solar. Ye una estrella binaria compuesta por una subxigante de tipu espectral F6IV y otra subxigante de tipu G8IV.[7] La primera d'elles tien una temperatura efectivo de 6700 K y la so masa ye un 41% mayor que la del Sol. El so radiu ye ente un 88% y un 99% más grande que'l radiu solar —diversos estudios dan cifres daqué distintes— y xira sobre sigo mesma con una velocidá de rotación de siquier 12 km/s.[8] Ye 6,6 vegaes más lluminosa que'l Sol.[9]
La subxigante de tipu G tien una temperatura inferior —en redol a los 5000 K— y una masa un 44% mayor que la masa solar. Ye, sicasí, la estrella más lluminosa del sistema, un 44% más que'l so caliente compañera.[9] Unes 4 vegaes más grande que'l Sol, rota a una velocidá igual o superior a 35 km/s.[8] Los dos componentes de RS Canum Venaticorum tán bien próximes ente sigo, siendo el so periodu orbital de 4,7978 díes.[10]
Remove ads
Variabilidá
La variabilidá de RS Canum Venaticorum afayóse por Ceraski en 1914. El so rellumu varia ente magnitú +7,93 y +9,14 por cuenta de la esistencia de grandes manches estelares de menor temperatura que'l restu de la superficie y que xiren con un periodu similar al periodu orbital del sistema. Ye amás una binaria eclipsante, yá identificada como tal por Cuno Hoffmeister a principios del sieglu XX,[11] pos el planu orbital ta inclináu unos 86º respectu al planu del cielu.[8] Ye una estrella bien brillosa na rexón de rayos X del espectru electromagnéticu; la so lluminosidá en dicha rexón algama los 292×1022 W.[8] Coles mesmes, ye brillosu y activa como radiofuente.[12]
Remove ads
Ver tamién
- Sigma Geminorum, estrella variable del mesmu tipu
Referencies
Wikiwand - on
Seamless Wikipedia browsing. On steroids.
Remove ads