Rembrandt
pintor neerlandés del sieglu XVII From Wikipedia, the free encyclopedia
Remove ads
Rembrandt Harmenszoon van Rijn (15 de xunetu de 1606, Leiden – 4 d'ochobre de 1669, Ámsterdam) foi un pintor y grabador neerlandés. Ta consideráu como unu de los más grandes pintores y grabadores de la historia del arte européu y el más importante de la historia neerlandesa. [8] Les sos contribuciones al arte formó parte d'un periodu que los historiadores llamen Edá d'Oru Neerlandesa.
En trunfando como pintor de retratos mozu, los sos últimos años tuvieron marcaos pola traxedia personal y dificultaes financieres. Sincasí, los sos dibuxos y pintures fueron populares a lo llargo de la so vida, y la so reputación como artista sigue siendo elevada,[9] y a lo llargo de venti años foi maestru de cásique tolos pintores neerlandeses más importantes.[10] Les sos obres más representatives son retratos de los sos contemporáneos, autorretratos ya ilustraciones de les escenes de la Biblia. Los sos autorretratos formen una única ya íntima biografía, na que'l propiu artista fai una introspección ensin vanidá y cola sinceridá más grande.
Nes pintures y los grabaos amuesa una conocencia completa de la iconografía clásica, que moldea p'adaptase a les esixencies de la so propia esperiencia; poro, na representación d'una escena bíblica, Rembrandt tenía un bon conocimientu del testu específicu, l'asimilación de la composición clásica, y les sos observaciones de la población xudía d'Ámsterdam.[11] Por mor de la so empatía pola condición humana, que foi nomáu "unu de los grandes profetas de la civilización."[12]
Les dos etapes de la vida de Rembrandt (la próspera y l'adversa) espéyense nes sos obres, y mui especialmente nos autorretratos. Mientres que los primeros son alegres y brillantes, los de los últimos años tienen un calter muncho más serenu y escuru, con una fondura superior. Toles sos obres son barroques dafechu, y tán dominaes pola aición, el dramatismu y un realismu deriváu de la observación del mundu que l'arrodiaba.
Remove ads
Galería
Autorretratos
El xoven Rembrandt (22 años), clarescuru (al rodiu de 1628).
Rembrandt en 1632, na época de mayor fama como retratista.
Antroxáu, nel "Autorretratu como noble oriental con un Kris". Grabáu de 1634.
"Autorretratu apoyáu nel antepechu de la ventana", grabáu de 1639.
En 1640 vistiendo ropes antigües.
Autorretratu o Autorretrato grande de 1652.
Alredor de 1655 (detalle), conserváu nel Kunsthistorisches Museum de Viena.
Con un pañuelu blancu a la cabeza -símbolu de la so profesión- en 1661.
L'añu de la so muerte en 1669, avieyáu y de gran fondura psicolóxica.
.jpg)
Otres obres
El pintor nel so estudiu, 1629
Andrómeda, c. 1629
Bustu d'un vieyu con un yelmu, 1630
El filósofu en meditación, 1632
Retratu de Johannes Wtenbogaert, 1633.
Abraham ya Isaac, 1634
Descendimientu de la cruz. 1634.
Artemisa, 1634
Saskia como Flora, 1635
Rembrandt y Saskia posando en El fíu pródigu na tabierna, 1635.
El festín de Belshassar, 1636-8
Tobías y l'ánxel, 1637
Cristu resucitáu apaezse a María la Magdalena, 1638
El güe desolláu, versión de 1643.
El molín, 1648
Muyer bañándose, la modelu foi Hendrickje, 1654
El bañu de Bathsheba, tamién Hendrickje, 1654
Retratu de Jan Six, 1654. Un ricu amigu de Rembrandt.
Alexandru Magnu, 1655
La conspiración de Claudius Civilis (seccionáu), 1661-62
La moza xudía, 1666.
El regresu del fíu pródigu, sobre 1669
,_by_Rembrandt,_from_Prado_in_Google_Earth.jpg)
Remove ads
Referencies
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads