Russula virescens

Les especies de fungos con nome común en llingua asturiana márquense como ^Nmic. En casu contrariu, conséñase'l nome científicu. El gorretu^[1] (Russula virescens) ye una especie de fungu basidiomisetu, perteneciente a la familia Russulaceae.

Russula virescens gorretu
Clasificación científica
Reinu:	Fungi
División:	Basidiomycota
Clas:	Homobasidiomycetae
Subclas:	Hymenomycetes
Orde:	Russulales
Familia:	Russulaceae
Xéneru:	Russula
Especie:	R. virescens (Schaeff.) Fr.
Consultes
[editar datos en Wikidata]

Russula virescens Carauterístiques micolóxiques
Himeniu con llámines
El sombreru ye convexu
Les llámines son adnates
El pie ta desnudu
Espores de color blancu
La ecoloxía ye micorriza
Comestibilidá: encamentada
[editar datos en Wikidata]

Carauterístiques

La forma del sombreru (Píleu) ye convexu esplanáu, puede midir hasta 15 cm de diámetru, el so color ye ablancazáu con manches de color verde distribuyíos sobre la tapa, el centru ye verdosu, l'estipe ye cilíndricu, de color ablancazáu y puede midir un altor de 8 centímetros y el so anchor pue algamar los 4 cm.

Crez nos meses de branu hasta la seronda nes zones húmedes de les carbayeres, en Gran Bretaña, Europa, Malasia, Corea y China.

Comestibilidá

Avisu: La comestibilidá de cogordes ha determinase por micólogos espertos o autoridaes sanitaries competentes. La información errónea o incompleta pue causar daños por envelenamientu o intoxicación mortal. Nun consumas cogordes ensin garantíes.

Russula virescens ye una cogorda comestible considerada como una de les meyores del xéneru Russula, ye bien popular n'Europa. El so golor nun ye distintivu, pero'l so sabor describióse como leve tastu a nuez.

Tracamundios

Al recoyer Russula virescens pal consumu, ye de vital importancia pa evitar el tracamundiu cola peligrosamente velenosa Amanita phalloides, un fungu que pue ser más fácilmente identificáu, ya que l'Amanita phalloides tien volva y aniellu, y el so pie ye fibrillosu, parte astillándose^[2].

Referencies

• Singer R (1986). The Agaricales in Modern Taxonomy. Koenigstein: Koeltz Scientific Books. páxs. 820–21. ISBN 3-87429-254-1.
• Arora D (1986). Mushrooms Demystified: a Comprehensive Guide to the Fleshy Fungi. Berkeley, Calif: Ten Speed Press. p. 95. ISBN 0-89815-169-4.
• Bi Z, Zheng G, Li T (1993). The Macrofungus Flora of China's Guangdong Province (Chinese University Press). New York: Columbia University Press. p. 522. ISBN 962-201-556-5.