Ryan Eggold
actor estauxunidense From Wikipedia, the free encyclopedia
Remove ads
Ryan James Eggold (10 d'agostu de 1984, Lakewood) ye un actor, músicu y cantante d'Estaos Xuníos.[1] Ye conocíu por interpretar a Ryan Matthews na serie de The CW, 90210 y por interpretar a Tom Keen na serie de la NBC, The Blacklist.
Remove ads
Biografía
Eggold nació en Lakewood, California, fíu de Karen y James Frederick Eggold, tien una hermana menor llamada Nicole Marie.[2] Graduóse na Santa Margarita Catholic High School en 2002, onde participó en delles obres de teatru escolares.[3] Asistió a la Universidá del Sur de California, onde se graduó del so programa de teatru en 2006.[4] Tamién ye un aficionáu a la música y el teatru y un peracabáu músicu, cantante, direutor y dramaturgu. Canta y toca el pianu y la guitarra nuna banda llamada Eleanor Avenue.[5]
Ryan fixo'l so debú cinematográficu col papel protagonista de Con: The Corruption of Shawn Helm, un curtiumetraxe escritu y empobináu pol so amigu de la infancia, Brandon Bennett, en 2006.[5] Esi mesmu añu debutó en teatru cola obra Dead End, dirixida por Nick Martin. Dende entós apaeció en producciones tales como Leipzig, Marat/Sade, y una producción llamada Amy y Elliot, qu'él mesmu escribió, dirixó y protagonizó xunto a Alexandra Breckenridge.[3]
En 2008 llogró'l papel d'un profesor d'inglés llamáu Ryan Matthews, en 90210, serie derivada de Beverly Hills, 90210, onde formó parte del repartu principal hasta la tercer temporada. Otros creitos en televisión inclúin la serie de FX, Dirt y un papel recurrente na serie de HBO Entourage.[4]
En 2012, interpretó al interés amorosu de Mischa Barton na película sobrenatural de Mark Edwin Robinson, I Will Follow You Into the Dark.[6] Les sos participaciones en cine inclúin Lucky Them, xunto a Toni Collette y The Disappearance of Eleanor Rigby al llau de Jessica Chastain y James McAvoy. En 2014, Eggold va apaecer na película de Tyler Perry, Single Moms Club y na película independiente Beside Still Waters.[4][3]
Dende 2013 interpreta a Tom Keen na serie de la NBC, The Blacklist protagonizada por James Spader y Megan Boone.[4]
Remove ads
Filmografía
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads