SZ Centauri
From Wikipedia, the free encyclopedia
Remove ads
Coordenaes: 
13h 50m 35.093s, -58° 29′ 57.098″
SZ Centauri (SZ Cen / HD 120359 / HIP 67556)[5] ye una estrella variable distante 1979 ± 134 años lluz del Sistema Solar. Encuadrada na constelación de Centaurus, visualmente alcuéntrase 2,5º al noroeste de la brillosa Hadar (β Centauri). Tien magnitú aparente +8,89 en banda B.[5]
SZ Centauri ye una binaria eclipsante formada por dos estrelles blanques de la secuencia principal de tipu espectral A7V,[6] anque tamién fueron catalogaes como A7III.[7] Los dos componentes, anque bien asemeyaes, nun son idéntiques. La estrella primaria ye 80 vegaes más lluminosa que'l Sol y tien una temperatura efectivo de 8100 K. Tien 2,31 vegaes la masa que'l Sol y, con un radiu de 4,6 radios solares, xira sobre sigo mesma con una velocidá de rotación de siquier 60 km/s. La estrella secundaria tien una temperatura llixeramente cimero de 8380 K y ye 58 vegaes más lluminosa que'l Sol. Tien una masa de 2,27 mases solares y un radiu 3,6 vegaes más grande que'l del Sol, siendo'l so velocidá de rotación proyeutada de 44 km/s. La edá d'esta binaria envalórase en 500 millones d'años.[6]
El periodu orbital d'esti sistema ye de 4,108 díes.[8] Nel eclís principal el so rellumu mengua 0,60 magnitúes, ente que nel secundariu la cayida de rellumu ye de 0,40 magnitúes.[9]
Remove ads
Referencies
Wikiwand - on
Seamless Wikipedia browsing. On steroids.
Remove ads