Taygeta
From Wikipedia, the free encyclopedia
Remove ads
Coordenaes: 
3h 45m 12.496s, 24° 28′ 2.21″
Remove ads
Taygeta (19 Tauri / 19 Tau)[9] ye una estrella que forma parte del cúmulu abiertu de les Pléyades na constelación de Tauru. La so magnitú aparente ye +4,29, la sesta más brillosa de les Pléyades, tando asitiada a 406 años lluz de distancia del Sistema Solar.[10]
Remove ads
Nome
El nome de Taygeta provién de la mitoloxía griega, siendo Táigete una de les Pléyades madre de Lacedemón. Esta estrella foi mentada por Ovidiu y Virxiliu, llamada pol primeru Soror Pleiadum.[11]
Pela so parte, el gobernante y astrónomu persa Ulugh Beg describir como «Pleiadum minima».[11]
Carauterístiques
Taygeta ye un estrella binaria que les sos componentes, separaes 0,012 segundos d'arcu, tienen magnitú aparente +4,6 y +6,1. La componente principal ye una subxigante blancu-azulada de tipu espectral B6IV y 14.180 K de temperatura efectivo.[12] Tien una lluminosidá 600 vegaes mayor que'l Sol y una masa de 4,5 mases solares. Con un radiu 4,5 vegaes más grande que'l radiu solar, xira sobre sigo mesma con una velocidá de rotación de 133 km/s. El so periodu de rotación ye inferior a 1,7 díes. La componente secundaria ye 150 vegaes más lluminosa que'l Sol, lo qu'aprosimao correspuende a una estrella de tipu B9 con una masa de 3,2 mases solares.[13]
La separación media ente dambes componentes ye de 4,6 UA, siendo el so periodu orbital de 3,60 años (1313 díes). Una tercer estrella, muncho más alloñada a 2 minutos d'arcu, paez improbable que tea gravitacionalmente amestada al par interior, dada la trupa población d'estrelles na rexón. Si realmente tuviera rellacionada taría asitiada siquier a 9000 UA de Taygeta.[13]
Remove ads
Referencies
Wikiwand - on
Seamless Wikipedia browsing. On steroids.
Remove ads