Theta Librae
From Wikipedia, the free encyclopedia
Remove ads
Theta Librae (θ Lib / 46 Librae / HD 142198 / HR 5908)[7] ye una estrella na constelación de Llibra de magnitú aparente +4,14. El asterismu chinu Hanse, qu'alude a un distritu de dichu país, engloba a esta estrella xunto a ε, ζ, η y ξ Librae.[8] Alcuéntrase a 163 años lluz del Sistema Solar.
Theta Librae ye una xigante naranxa de tipu espectral K0III[7] con una temperatura efectivo de 4760 K.[9] Tien un diámetru 15 vegaes más grande que'l del Sol, cifra calculada a partir de la midida direuta del so diámetru angular —2,17 milisegundos d'arcu—,[10] y xira sobre sigo mesma con una velocidá de rotación de siquier 3,06 km/s.[11] Relluma con una lluminosidá 76 vegaes mayor que la del Sol.[9]Tien una masa envalorada ente 1,8 y 2,1 mases solares,[12][9] pero nun esiste unanimidá tocantes a la so edá; ente que un estudiu señala una edá de 2990 millones d'años,[13] otru amenorga esta cifra a pocu más de 1000 millones d'años.[9]
Theta Librae ye una estrella de baxa metalicidá; la so bayura relativa de fierro ta entendida ente'l 50% y el 60% de la que tien el Sol.[9][12] Esti empobrecimientu ye patente na mayor parte de los elementos, como por casu magnesiu, titaniu, níquel o vanadiu; sicasí, la bayura relativa de sodiu ye comparable a la solar.[12]
Remove ads
Referencies
Wikiwand - on
Seamless Wikipedia browsing. On steroids.
Remove ads