W Virginis
estrella From Wikipedia, the free encyclopedia
Remove ads
Coordenaes: 
13h 26m 1.993s, -3° 22′ 43.431″
W Virginis (W Vir / HD 116802 / HIP 65531)[7] ye'l nome d'una estrella variable na constelación de Virgu que s'atopa a más de 11.000 años lluz del Sistema Solar. Afayóse pol astrónomu Eduard Schönfeld en 1866.[8]
W Virginis ye una estrella xigante mariella pulsante y l'arquetipu d'un tipu d'estrelles llamaes cefeides de Población II o variables W Virginis. Les capes esteriores de l'atmósfera de W Virginis espándense y contraen nun periodu de 17,2736 díes, periodu que se foi allargando a lo llargo de los postreros 100 años d'observación. La pulsación provoca una variación de 1,2 magnitúes nel so rellumu yá que aumenta'l so tamañu al doble mientres el ciclu.[9]
Al igual qu'otres cefeides, les variables W Virginis tamién amuesen una rellación direuta ente'l so periodu de variación y la so lluminosidá, pero la rellación ye distinta a les cefeides clásiques, tales como δ Cephei o Mekbuda (ζ Geminorum). W Virginis, máximu esponente del tipu de variables que lleva'l so nome, ye una estrella más pequeña que les cefeides clásiques —piénsase que la so masa pue ser menor que la del Sol—[10] y, como estrella de Población II, una de les más vieyes de la Vía Lláctea.[8]
Remove ads
Ver tamién
- Llista d'estrelles variables
- Estrella variable W Virginis
Referencies
Wikiwand - on
Seamless Wikipedia browsing. On steroids.
Remove ads