Yildun
From Wikipedia, the free encyclopedia
Remove ads
Coordenaes: 17h 32m 12.998s, 86° 35′ 11.255″
Yildun ye'l nome de la estrella δ Ursae Minoris (δ UMi / 23 UMi / HD 166205 / HR 6789),[6] asitiada na constelación boreal de la Osa Menor. El términu Yildun, a diferencia de munchos nomes d'estrelles d'orixe árabe, vien de una pallabra turca que significa precisamente «estrella». Los nomes de Vildiur y Gildun, utilizaos tamién pa designar a δ Ursae Minoris, tienen el mesmu orixe.
Yildun ye una estrella blanca de la secuencia principal —n'el so nucleu produz la fusión d'hidróxenu— de tipu espectral A1Vn y 9000 K de temperatura. La so lluminosidá ye 47 vegaes mayor que la del Sol y el so diámetru 2,8 vegaes más grande que'l diámetru solar. La so velocidá de rotación, 174 km/s, ye muncho más rápida que la del Sol, completando un xiru en 19 hores —compárese colos 26 díes que tarda en faelo nuesa estrella—. Esto fai que les llinies nel so espectru apaezan borroses.[7]
Yildun alcuéntrase a namái 3,5º del polu norte celeste; si nun tuviera Polaris (α Ursae Minoris) podría ser utilizada aceptablemente como Estrella Polar, yá que la so magnitú aparente ye +4,35. Ye circumpolar y visible dende práuticamente tol hemisferiu norte. Alcuéntrase a 183 años lluz del Sistema Solar.[7]
Remove ads
Referencies
Wikiwand - on
Seamless Wikipedia browsing. On steroids.
Remove ads