Zeta Sculptoris
From Wikipedia, the free encyclopedia
Remove ads
Zeta Sculptoris (ζ Scl)[1] ye una estrella asitiada na constelación de Sculptor. Alcuéntrase mui cerca del coluro equinoccial, meridianu de la esfera celeste que pasa polos polos celestes y polos equinoccios. Ye, con magnitú aparente +5,02, la sesta estrella más brillosa na constelación.
Anque nes bases de datos Zeta Sculptoris figura catalogada como xigante azul de tipu espectral B4III,[1] los sos parámetros físicos correspuenden a los d'una estrella inda na secuencia principal.[2] Tien una temperatura superficial de 15.300 K y ye 710 vegaes más lluminosa que'l Sol. El so diámetru ye 3,8 vegaes más grande que'l diámetru solar y xira sobre sigo mesma con una baxa velocidá de rotación proyeutada de 11 km/s —anque otros estudios alcen esti valor hasta los 47 km/s—, lo qu'implica que probablemente'l so eje apunta escontra nós, siendo 17 díes la llende cimera del so periodu de rotación. La so masa ta entendida ente 4,8[2] y 5,5 mases solares[3] y tien una edá averada de 40 millones d'años.[3]
Zeta Sculptoris ye una binaria espectroscópica con un periodu orbital de 1740 díes, anque nada se sabe de la estrella acompañante.[4] Per otra parte, una compañera de magnitú 13 separada visualmente 3 segundos d'arcu de Zeta Sculptoris, nun ta físicamente amestada con ella.[2]
Zeta Sculptoris alcuéntrase a 503 años lluz del Sistema Solar. Na so mesma direición puede reparase el cúmulu abiertu Blanco-1; anque dacuando consideró-ylo miembru del mesmu, el cúmulu ta un 70% más alloñáu de nós y el so movimientu al traviés del cielu nun concasa col de Zeta Sculptoris.[2]
Remove ads
Referencies
Wikiwand - on
Seamless Wikipedia browsing. On steroids.
Remove ads