Ḥoquei sobre xelu
From Wikipedia, the free encyclopedia
El ḥoquei sobre xelu ye un deporte que se xuega ente dos equipos de seis xugadores (un porteru con cinco xugadores nel xelu) con patinos sobre una pista de xelu. Los patinadores tienen de dirixir un discu de cauchu (puck n'inglés, rondelle en francés) con un cayáu llargu (stick n'inglés, bâton en francés), pa tratar d'anotar na portería del equipu contrariu. A la fin, l'equipu que más goles marcó gana.
Ḥoquei sobre xelu | ||
---|---|---|
Lance d'un partíu de ḥoquei sobre xelu | ||
Autoridá deportiva | IIHF | |
Otros nomes | Ḥoquei | |
Primera competencia |
6 de marzu de 1875 Montreal, Canadá | |
Carauterístiques | ||
Contautu | Altu (choques) | |
Miembros por equipu | Cinco patinadores y un porteru | |
Xéneru | Masculín y femenín | |
Pelota | Discu de cauchu | |
Llugar del encuentru | ||
Duración del encuentru | 3 partes de 20' | |
Olímpicu | 1920 | |
[editar datos en Wikidata] |
Esta variante del ḥoquei carauterízase por ser un deporte físicu; los xugadores pueden realizar cargues col cuerpu sobre'l rival pa tratar d'arrampuña-y el control del discu, polo que suelen dir forníos con toa clase de proteiciones. Ye tamién unu de los xuegos más rápidos, por cuenta de que'l resfregón del discu y los patinos sobre'l xelu ye mínimu, y unu de los pocos deportes que dexen realizar cambeos de xugadores ensin llende y ensin necesidá d'atayar el xuegu.
Inventóse a finales del sieglu xix en Canadá, onde ye'l deporte nacional.[1] Amás, tamién gocia de bastante popularidá n'Estaos Xuníos, Suecia, Finlandia, Europa Central y Rusia, ya inclusive ta consideráu como la principal variante del ḥoquei en países del hemisferiu norte con climes fríos. El so principal órganu rector a nivel internacional ye la Federación Internacional de Ḥoquei sobre Xelu.[2]