Angilya

Angilya, Anquilla (Anguilla) – Böyük Britaniyanın Karib dənizində mülkü.

Angilya
Angilya
Bayraq[d] Gerb[d]
Unity, Strength and Endurance, Единство, сила и издържливост
Himn: «God Bless Anguilla»
Rəsmi dilləri	ingilis dili
Paytaxt	Valley
İdarəetmə forması	konstitusiya monarxiyası, Britaniyanın ərazisi
Kral	III Çarlz
Qubernator	Alister Harrison (aprel 2009-)
Baş nazir	Hyubert Hyus (fevral 2010-)
Sahəsi
• Ümumi	102 km²
Əhalisi
• Əhali	15 min nəfər (220-ci)
• Siyahıyaalma (may 2011)	13 542 nəf.
• Sıxlıq	164 nəf./km²
ÜDM (AQP)
• Ümumi	175 mln $ dollar  (220-ci)
• Adambaşına	12 200 $ dollar  (105-ci)
Valyuta	Şərqi Karib dolları
İnternet domeni	.ai
ISO kodu	AI
Telefon kodu	+1264
Saat qurşaqları	UTC−04:00
Nəqliyyatın yönü	sol[d]
Vikianbarda əlaqəli mediafayllar

Ümumi məlumat

Kiçik Antil adaları arxipelaqının şimal qurtaracağında, Küləktutan adalar qrupunda yerləşən Angilya adasını (sah. 91 km²) və əhalisi olmayan kiçik adalar qrupunu (Skrab, Doq, Sombrero, Prikli-Pir-Keys, Sil və s.) əhatə edir. İnzibati mərkəzi Valli şəhəridir. Rəsmi dili ingilis dili, pul vahidi şərqi Karib dollarıdır. Əhəngdaşlardan təşkil olunmuş adalar mərcan rifləri ilə əhatələnmişdir. Angilya adasının xırda təpəlikli səthi nisbətən hamardır, ən yüksək nöqtəsi 65 m-dir (Krokus-Hill d.). İqlimi tropik passatdır. Havanın orta aylıq temperaturu 18 24 °C, illik yağıntının miqdarı 700–1200 mm-dir. Yağış suyundan içmək üçün istifadə olunur. Bitkisi seyrək, törəmə savanna tipli alçaq kolluqlardır. Sahil zonasında hindqozu palması və üzüm yetişdirilir. Çoxsaylı şor göllərdə 80 növdən çox su quşları var. İqtisadiyyatının əsasını (ÜDM-un 78%-i) xarici turistlərə xidmət sahəsi təşkil edir. Duz hasil olunur, balıq ovlanır, tərəvəz becərilir; qoyun, keçi, donuz saxlanılır. Dəmiryolları yoxdur. Avtomobil yollarının uzunluğu 105 km-dir. Dəniz portu (Blouinq-Poynt) və Vallidə kiçik beynəlxalq aeroport (Uollbleyk) var.^[1]